ۇكىمەت پەن پارلامەنت ءتۋريزمدى دامىتۋ ماسەلەسىنە باسا نازار اۋدارۋى ءتيىس. بۇل تۋرالى مەملەكەت باسشىسى قاسىم-جومارت توقايەۆ VIII سايلانعان ق ر پارلامەنتىنىڭ ءبىرىنشى سەسسياسىندا ايتتى، دەپ حابارلايدى almaty-akshamy.kz
«تاعى ءبىر ماڭىزدى ماسەلە – ۇكىمەت جانە پارلامەنت ءتۋريزمدى دامىتۋ ماسەلەسىنە باسا نازار اۋدارۋى ءتيىس. ەلىمىزدەگى ءتۋريزمنىڭ الەۋەتى زور، كورىكتى جەرلەرىمىز وتە كوپ. ءبىراق، سول جەرلەرگە بارىپ، دەمالۋعا ءالى دە جۇرتتىڭ قولى جەتە بەرمەيدى. بۇل سالاعا تىڭ سەرپىن بەرۋ ءۇشىن، ەڭ الدىمەن، ينفراقۇرىلىم ماسەلەسىن كەشەندى تۇردە شەشىپ، قىزمەت ساپاسىن تۇبەگەيلى جاقسارتۋ قاجەت»، - دەدى قاسىم-جومارت توقايەۆ.
پرەزيدەنتتىڭ پىكىرىنشە، كاسىپكەرلەر ءتۋريزمنىڭ بولاشاعى زور ەكەنىن كورۋى كەرەك.
«سول ءۇشىن قاجەتتى جاعدايدى جاساعان ءجون. وسى سالاعا سالىنعان جەكە ينۆەستيسيانىڭ كولەمى، ىشتەن جانە سىرتتان كەلگەن تۋريستەردىڭ سانى نەعۇرلىم كوپ بولسا، جۇمىستىڭ ناتيجەسى دە سوعۇرلىم ءتيىمدى بولماق»، - دەدى مەملەكەت باسشىسى.