مەملەكەت باسشىسى قاسىم-جومارت توقايەۆ VIII سايلانعان قازاقستان رەسپۋبليكاسى پارلامەنتىنىڭ ءبىرىنشى سەسسياسىندا ۇكىمەتكە شەكارالاس اۋدانداردا قونىستانعىسى كەلەتىن ازاماتتارعا تۇرعىن ءۇيدى ارزانداتۋ تۋرالى تاپسىرما بەردى، دەپ حابارلايدى Almaty-akshamy.kz.
«سالاداعى ساياساتتى جۇيەلەيتىن جانە تۇبەگەيلى جاقسارتاتىن قالا قۇرىلىسى كودەكسىنىڭ ماڭىزى زور. ۇكىمەت شەكارالاس اۋدانداردا قونىستانعىسى كەلەتىن ازاماتتارىمىز ءۇشىن تۇرعىن ءۇيدى ارزانداتۋ ماسەلەسىن شەشۋدىڭ جاڭا تاسىلدەرىن ازىرلەۋگە ءتيىس.
سونداي-اق، ينجەنەرلىك، الەۋمەتتىك ينفراقۇرىلىمدى جاڭعىرتۋعا جانە قۇرۋعا نازار اۋدارۋ قاجەت. مەنىڭ ويىمشا، بۇل ماڭىزدى ستراتەگيالىق مىندەت. بىزدە 65 شەكارا ماڭى بار، وكىنىشكە وراي، ولاردىڭ كوپشىلىگىنىڭ الەۋمەتتىك-ەكونوميكالىق جاعدايى تومەن دەڭگەيدە»، - دەدى قاسىم-جومارت توقايەۆ.
پرەزيدەنتتىڭ ايتۋىنشا، كەيدە بۇل جايت ەكونوميكالىق فاكتورلارعا ءتيىمسىز اكىمشىلىك-اۋماقتىق بولىنىستەردەن تۋىنداپ جاتىر.
«بۇل اۋدانداردىڭ ستراتەگيالىق ماڭىزدىلىعىن ەسكەرە وتىرىپ، مەنىڭ تاپسىرمام بويىنشا ازىرلەنىپ جاتقان اۋىلدىق اۋماقتاردى دامىتۋ تۇجىرىمداماسى شەڭبەرىندە شەكارا ماڭىنداعى اۋماقتاردى دامىتۋ جونىندەگى ناقتى شارالاردى كوزدەۋ قاجەت.
باستى ماقسات-حالىقتىڭ كەتۋىن ازايتۋ، ادامداردىڭ ءومىر سۇرۋىنە قولايلى جاعداي جاساۋ، شەكارا ماڭىنداعى اۋدانداردىڭ ەكونوميكالىق دامۋىنا جاڭا سەرپىن بەرۋ»، - دەدى پرەزيدەنت
ايتا كەتەيىك، ەلوردادا VIII سايلانعان قازاقستان رەسپۋبليكاسى پارلامەنتىنىڭ ءبىرىنشىcءى سەسسياسى ءوتىپ جاتىر. جيىنعا مەملەكەت باسشىسى قاسىم-جومارت توقايەۆ قاتىسۋدا.