Almaty-akshamy.kz سايتىندا بۇگىن جارىق كورگەن جاڭالىقتارعا شولۋ – كۇن كەرۋەنى
ءتۋريزمنىڭ كۇنى تۋا ما؟
سول ءۇشىن قازاقستاندا تۋريزم سالاسىنىڭ دەرەكتەرىن تالداۋعا نەگىزدەلگەن جوبا ىسكە قوسىلدى. حالىقارالىق تۋريزم جانە مەيماندوستىق ۋنيۆەرسيتەتىنىڭ قىزمەتكەرلەرى سەنتيمەنتالدى تالداۋ جانە ستاتيستيكالىق مودەلدەۋ (text analysis) ادىستەرىن پايدالانا وتىرىپ تۋريزم سالاسىنىڭ نەگىزگى ءۇش بولىگى – ورنالاستىرۋ ورىندارى (Hotels and Hostels)، تاماق جانە سۋسىندار (Food and Beverage)، سونىمەن قاتار كورىكتى جەرلەر (Attractive places) بويىنشا قازاقستاندا بولعان تۋريستەردىڭ پىكىرى مەن شولۋىنا TripAdvisor پلاتفورماسىندا ماتىندىك تالداۋ جۇرگىزەدى. سونداي-اق قازاقستانداعى تۋريستىك سالانىڭ جاي-كۇيى ايقىندالىپ، ءتۋريزمدى دامىتۋ ۇسىنىستارى ازىرلەنەدى.
درونمەن جاراقتانعان پوليسيا
ساۋد ارابياسىنىڭ پوليسيا قىزمەتكەرلەرىنە 2024 جىلى Lucid Air كولىگى بەرىلەدى. كولىكتىڭ ارتىقشىلىعى – ميگالكىسىندە. وندا ۇشقىشسىز بارلاۋشى دروندار جاسىرىلعان. كۆادروكوپتەر ساناۋلى سەكۋندتاردا ۇشىپ كەتۋ مۇمكىندىگىنە يە. ول ءۇشىن كولىكتىڭ ىشىندەگى تۇيمەنى باسساڭىز بولعانى. درون قىلمىسكەرلەردى نەمەسە ءىز-تۇسسىز جوعالعان ادامدى ىزدەۋ ءۇشىن اۋماقتى تەكسەرۋگە مۇمكىندىك بەرەدى. اۋەدەن تۇسىرىلگەن سۋرەت ونلاين رەجيمىندە كولىكتىڭ ىشىندە ورنالاسقان ەكراندا بىردەن كورسەتىلەدى.
تاۋداعى قۇرىلىس ەرەكشە باقىلاۋدا
الماتىدا بەتكەيدىڭ تىكتىگى 15 گرادۋستان اساتىن ۋچاسكەلەردە شاعىن قاباتتى كوپپاتەرلى عيماراتتار سالۋعا تىيىم سالىنادى.
"تاۋ بوكتەرلەرىنىڭ ودان ءارى دامۋىن شەكتەۋ ءۇشىن باس جوسپار مەن جاڭا ەتج اياسىندا بۇل ايماقتار رەكرەاسيالىق ايماقتارعا جاتقىزىلدى. الماتىنىڭ اينالاسىندا توپىراقتىڭ نەگىزگى ءتۇرى-سازدى. توپىراقتىڭ وسى ءتۇرى بار جەردە قۇرىلىس جۇرگىزۋ مۇمكىن ەمەس، سوندىقتان قالادا وسى ماسەلە بويىنشا بەلسەندى شارۋاشىلىق جۇمىس جۇرگىزىلۋدە. كەيبىر ۋچاسكەلەردە ءبىرىڭعاي كارىز جەلىلەرى جوق، سوندىقتان ءبىز وسى ماسەلەلەرمەن اينالىسامىز"، - دەدى ەربولات دوسايەۆ.
ە-سommerceء-تىڭ ەكپىنى زور
سوڭعى 1-2 جىل بەدەرىندە ەلەكتروندى ساۋدا 20، 2 %-عا ارتقان. دەمەك قازاقستانداعى ەلەكتروندى ساۋدانىڭ كولەمى الدىڭعى جىلعا قاراعاندا 220،1 ملرد تەڭگەگە ۇلعايعان دەگەندى بىلدىرەدى. وتانداستارىمىز ينتەرنەت ارقىلى ساۋدا جاساۋعا مەيلىنشە بەت بۇرعان. بۇل رەتتە، كيىم-كەشەك، اياق كيىم جانە ءتۇرلى اكسەسسۋارلاردىڭ ونلاين-ساتىلىمداعى ۇلەس سالماعى باسىم بولعانى سونشا، بۇل تاراپتا 423،9 ملرد تەڭگە جۇمسالعان. ساتىلىمدار كولەمى بويىنشا 2-ورىنعا تۇرمىستىق تەحنيكا مەن ەلەكترونيكا شىققان جانە جوعارى تەحنولوگيالىق تاۋارلار 355 ملرد تەنگەگە ساتىلىپ، ءوسىمى 11،6%-دى قۇراعان.
سۋرەتشىنىڭ «عالامى»
جاس تا بولسا وزىندىك قولتاڭباسى قالىپتاسىپ ۇلگەرگەن سۋرەتشى نۇربولات اسقاردىڭ كارتينالارىندا كۇندەلىكتى ءومىردىڭ جان تەبىرەنتەرلىك سۇلۋلىعى، كۇن سايىن كەزدەسەتىن جاڭا ەموسيالار مەن الۋان ءتۇرلى مەزەتتەر بەينەلەنگەن. ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە اشىلعان ĞALAM دەپ ايدار تاعىلعان جەكە كورمەسىنە بارساڭىز، سۋرەتشى ءۇشىن وتباسى دەگەن – بۇل ماحاببات، جەڭىس جانە ادامداردىڭ رۋحاني بايلىعى ەكەنىن تۇسىنەسىز. ونىڭ «وشاق»، «انا مەن بالا»، «نەمەرە»، «اق داستارحان»، «تورتەۋ» «اڭگىمە»، «ويۋ»، «ءتالتۇس» جانە باسقا دا جۇمىستارى وتباسى قۇندىلىقتارىن مىڭ بوياۋمەن بەدەرلەيدى. ونداعى جۇمساق تۇستەر جايلىلىق پەن جىلۋلىقتى بەرىپ قانا قويماي، ادامداردىڭ بىر-بىرىمەن رۋحاني بايلانىسىن، بىر-بىرىنە دەگەن ىقىلاسىن اشىپ كورسەتەدى.
ماسكا كەلدى قايتادان...
دەنساۋلىق ساقتاۋ مينيسترلىگى قوعامدىق ورىنداردا مەديسينالىق ماسكا تاعۋعا كەڭەس بەرەدى. COVID-19 جۇقتىرعانداردىڭ باسىم بولىگى الماتى مەن استانادا. سانيتارلىق-ەپيدەميولوگيالىق باقىلاۋ كوميتەتىنىڭ باسپا ءسوز قىزمەتى جەلتوقساننان قاڭتارعا دەيىن سىرقاتتانۋ سانى 2،5 ەسەگە ارتقانىن حابارلادى. ءقازىر جۇقپالى ينفەكسيا جۇقتىرعان 3 ناۋقاس اۋرۋحانادا ەمدەلىپ جاتىر.
الماتىنىڭ ۇيقىسىن ۇرلاعاندار
جاۋاپكەرشىلىككە تارتىلادى. مەدەۋ اۋدانىنىڭ تۇرعىندارىمەن كەزدەسۋىندە الماتى اكىمى ەربولات دوسايەۆتان تۇرعىنداردىڭ تىنىشتىعىن بۇزاتىن اۆتوشاباندوزدارعا قاتىستى شارا قابىلداۋ سۇرالدى.
«ءبىز اۋدان تۇرعىندارىنىڭ شاعىمىن ەسكەردىك. تۇنگى تىنىشتىقتى بۇزعاندارعا جاۋاپكەرشىلىك بار. پوليسيا دەپارتامەنتى وكىلدەرىمەن بىرلەسىپ، دوستىق داڭعىلى، كەرەي-جانىبەك حاندار كوشەسىندە «سەرگەك» بەينەكامەرالارىن ورناتۋدى تاپسىردىم. وندا جىلدامدىق شەكتەۋلى. بەينەباقىلاۋ كامەرالارى بۇل جاعدايعا وڭ اسەر ەتەتىنىنە سەنىمدىمىن»، - دەدى ەربولات دوسايەۆ.
ىسىراپقا جول جوق
ۇكىمەتتىڭ الدىنداعى نەگىزگى مىندەتتەردى بەلگىلەپ بەرگەن ولجاس بەكتەنوۆ ءونىمسىز شىعىستار تولىعىمەن جويىلۋى كەرەكتىگىن ايتتى.
«قارجى مينيسترلىگى 10 كۇن ىشىندە رەسپۋبليكالىق بيۋدجەتكە جانە ءبىر اي ىشىندە جەرگىلىكتى بيۋدجەتتەردىڭ بارلىعىنا ريەۆيزيا جۇرگىزىپ، اسا ماڭىزى جوق شىعىستاردى ايتارلىقتاي قىسقارتۋى ءتيىس. ەشكىم دە اقشانى ورىنسىز شاشپاۋى كەرەك»، دەدى پرەمەر-مينيستر.
جۇرەگىڭىزدى ساتىڭىزشى!
ەلىمىزدە 4 مىڭعا جۋىق ادام اعزا اۋىستىرۋعا مۇقتاج، ال دونور ماسەلەسى ءتيىستى دەڭگەيگە جەتپەي جاتىر. سۋ جاڭا مينيستر اقمارال ءالنازاروۆا ءبىرىنشى كەزەكتە ترانسپلانتولوگيا ماسەلەسىنە نازار اۋداراتىنىن ايتتى.
«مايىتتىك دونورلىق قاراستىرىلعان قازاقستاندا. زاڭ قابىلداعاندا حالىقارالىق تاجىريبەگە سۇيەنىپ جاسالعان جۇيە. بۇل جۇيەنى دۇرىس جولعا قويۋ ءۇشىن قايتا تاريفتەردى كوتەرۋىمىز كەرەك. بىرنەشە ساتىدان تۇراتىن جۇمىس بولادى دەپ ويلايمىن. بۇل جەردە حالىقتىڭ كەلىسىمىن الماي، ول ءۇشىن حالىق تا، قوعام دا وعان دايىن بولۋى كەرەك»، - دەيدى ق ر دەنساۋلىق ساقتاۋ ءمينيسترى.