تۇركيانىڭ ىستامبۇل قالاسىندا ەلىمىزدىڭ تۋريزم جانە سپورت ۆيسە-مينيسترى سەرىك جاراسبايەۆ پەن 5ء-شى دۇنيەجۇزىلىك كوشپەندىلەر ويىندارىن وتكىزۋ جونىندەگى ديرەكسيا جەتەكشىسى نايل نۇروۆ دۇنيەجۇزىلىك ەتنوسپورت كونفەدەراسياسىنىڭ پرەزيدەنتى ءبىلال ەردوعانمەن كەزدەسءىپ، ۇيىمداستىرۋ جۇمىستارىنا قاتىستى ماسەلەلەردى تالقىلادى.
تۋريزم جانە سپورت ۆيسە-مينيسترى سەرىك جاراسپايەۆ كوشپەندىلەر ويىندارىنا دايىندىق جۇمىستارى مەن اقپاراتتىق-ناسيحات شارالارىنىڭ قىزۋ ءجۇرىپ جاتقانىن حاباردار ەتتى.
ديرەكسيا جەتەكشىسى نايل نۇروۆ 5ء-شى دۇنيەجۇزىلىك كوشپەندىلەر ويىندارىنىڭ ماڭىزىن ەسكەرە وتىرىپ، اشىلۋ جانە جابىلۋ سالتاناتى مەن سايىس بارىسىن الەمنىڭ جەتەكشى تەلەارنالارى ارقىلى تاراتۋ ماسەلەسىن دە ورتاعا سالدى.
ءبىلال ەردوعان تاراپتار اراسىنداعى ارىپتەستىك قاتىناستىڭ ارتقانىن ايتا كەلە، كوشپەندىلەر ويىندارىن ۇيىمداستىرۋ قازاقستاننىڭ ەتنوسپورت قوزعالىسىن الەمدىك دەڭگەيدە ناسيحاتتاۋداعى ۇتقىر جوبالارىنىڭ ءبىرى ەكەنىنە ايرىقشا ءمان بەردى.
جيىندا قازاقستان دەلەگاسياسىنىڭ 16-18 اقپان ارالىعىندا وتەتىن دۇنيەجۇزىلىك ەتنوسپورت كونفەدەراسياسىنىڭ كونگرەسىنە قاتىساتىنى دا ناقتىلاندى.
ىستامبۇلداعى دۇنيەجۇزىلىك ەتنوسپورت كونفەدەراسياسىنىڭ كەڭسەسىندە وتكەن كەزدەسۋگە تۇركىتىلدەس مەملەكەتتەردىڭ ىنتىماقتاستىق كەڭەسىنىڭ باس حاتشىسى باعدات امىرەيەۆ پەن قازاقستان رەسپۋبليكاسىنىڭ باس كونسۋلدىعىنىڭ وكىلدەرى دە قاتىستى.
2024 جىلدىڭ 8-14 قىركۇيەك ارالىعىندا استانادا وتەتىن 5ء-شى دۇنيەجۇزىلىك كوشپەندىلەر ويىندارىنا 100-دەن استام مەملەكەتتەن 4000-عا جۋىق سپورتشى قاتىسادى دەپ كۇتىلۋدە.
5ء-شى دۇنيەجۇزىلىك كوشپەندىلەر ويىندارىنىڭ ۇرانى - «ۇلى دالا ءدۇبىرى».