الماتىدا تۋريستىك نىساندارعا بارۋدا قارجىنى 63%-عا دەيىن ۇنەمدەۋگە مۇمكىندىك بەرەتىن ءتۋريستىڭ ءبىرىڭعاي بيلەتى ىسكە قوسىلدى، دەپ حابارلايدى almaty-akshamy.kz
الماتىدا باستى كورىكتى جەرلەر مەن ەكسكۋرسيالاردى ءتيىمدى باعامەن كورۋگە مۇمكىندىك بەرەتىن ساياحاتشىلار ءۇشىن Almaty Pass ءبىرىڭعاي بيلەت ىسكە قوسىلدى. تۋريستىك نىساندارعا جەكە-جەكە بارعاننان گورى Almaty Pass ساتىپ العان كەزدە پايدا 63% بولادى. مىسالى، ءبىرىڭعاي بيلەتتىڭ قۇنى 9 990 تەڭگەدەن باستالادى، وعان 27 300 تەڭگە سوماسىنداعى نىساندارعا بارۋ كىرەدى.
Almaty Pass جۇيەسىنە كەلەسى تۋريستىك نىساندارعا بارۋ كىرەدى: «كوكتوبە» اسپالى جولى، «كوكتوبە» ساياباعىنداعى اينالما جول جانە جىلدام ءتۇسۋ (Fast Coaster)، MEGA Alma-Ata سوو اۋماعىنداعى Happy Eye شولۋ دوڭگەلەگى، الماتى حايۋاناتتار باعى، ءا.قاستەيەۆ اتىنداعى ونەر مۋزەيى، «مەدەۋ-شىمبۇلاق» باعىتىنداعى Shymbulak اسپالى جولى، بوتانيكالىق ب ا ق، سونداي-اق قالانىڭ قىزىقتى باعىتتارى بويىنشا Nur Bus اۆتوبۋسىمەن شولۋ تۋرى.
ءبىرىڭعاي بيلەتتى almaty.citypass.kz رەسمي ۆەب-سايتتان ساتىپ الۋعا بولادى. قۇنى 9 990 تەڭگەدەن باستالادى. ءارى قاراي سايتتا نەمەسە ءموبيلدى قوسىمشادا QR كودى بار ۆاۋچەر پايدا بولادى، ونى كىرەردە كاسساعا كورسەتۋ كەرەك. QR كود قىزمەت پاكەتىنە بايلانىستى نىسانعا ءبىرىنشى كەلگەن ساتتەن باستاپ 24 نەمەسە 72 ساعات ىشىندە جارامدى.