الماتى قالاسى توتەنشە جاعدايلار دەپارتامەنتى ازاماتتىق قورعانىس باسقارماسى شومىلۋ ماۋسىمى كەزىندە حالىق ءۇشىن ءقاۋىپتى ورىنداردى اتادى، دەپ حابارلايدى almaty-akshamy.kz
الماتى قالاسىندا جانە تاۋ بوكتەرىندەگى اۋدانداردا 44 سۋ ايدىنى (وزەندەر، كولدەر، كانالدار، توعاندار) بار، ولاردىڭ 9-ى شومىلۋ ماۋسىمى كەزىندە حالىق ءۇشىن ءقاۋىپتى:
1. شاڭىراك جانە دارحان شاعىن اۋداندارىنداعى ۇلكەن الماتى وزەنى – الاتاۋ اۋدانى؛
2. دارحان ىقشام اۋدانىنداعى ۇلكەن الماتى وزەنى – الاتاۋ اۋدانى
3. ۇلكەن الماتى وزەنى (ءال-فارابي-ناۋاي) – بوستاندىق اۋدانى؛
4. كەمەل ىقشام اۋدانىنداعى پەرۆومايسكيە پرۋدى – جەتىسۋ اۋدانى؛
5. كىشى الماتى وزەنى (بۋتاكوۆكاعا بۇرىلاتىن جەردە) – مەدەۋ اۋدانى؛
6. يۋنناتسكوە كولى – مەدەۋ اۋدانى؛
7. اقساي وزەنى – ناۋرىزباي اۋدانى؛
8. اۋەجاي كولى – تۇركسىب اۋدانى؛
9. قاراسۋ وزەنىنىڭ سالاسى (شەستۋحا) – تۇركسىب اۋدانى.
قالادى جۇرگىزىلىپ جاتقان پروفيلاكتيكالىق ءىس-شارالارعا قاراماستان، شومىلۋ ماۋسىمى باستالعانعا دەيىن دارحان شاعىن اۋدانىنداعى ۇلكەن الماتى وزەنىندە وقىس وقيعا ورىن الدى.
جازاتايىم وقيعالاردى بولدىرماۋ ءۇشىن قاراپايىم ەرەجەلەردى ساقتاۋ قاجەت:
- بالالاردى سۋدىڭ جانىندا قاراۋسىز قالدىرماۋ؛
- تەك جابدىقتالعان جاعاجايلاردا جانە رەسمي رۇقساتى مەن قۇتقارۋ قىزمەتى بار شومىلۋعا ارنالعان باسقا جەرلەردە شومىلۋ؛
- جۇزە المايتىن بولساڭىز، بەلدەن جوعارى كەلەتىن سۋعا تۇسپەۋ؛
- شومىلۋ كەزىندە ءبىر-بىرىن كوزدەن تاسا قىلماۋ؛
- قالقىمالار مەن قورشاۋ بەلگىلەرىنەن، جاعادان الىس جۇزبەۋ؛
- قايىقتاردان، كوپىرلەردەن جانە ايلاقتاردان سۋعا سەكىرمەۋ؛
- تۇندە شومىلۋعا بولمايدى.
الماتى تجد قالا تۇرعىندارى مەن قوناقتارىنا سۋ ايدىندارىندا قاۋىپسىزدىك ەرەجەلەرىن ساقتاۋدى، سونداي-اق تىيىم سالىنعان جەرلەردە شومىلماۋدى ۇسىنادى.