«تۋريستىك قامقور» قورى قازاقستاندىق تۋريستەرگە كومەكتەسۋگە مۇمكىندىك بەرەتىن ارنايى ءموبيلدى قوسىمشا جاسادى، دەپ حابارلايدى almaty-akshamy.kz Halyq Uni. سىلتەمە جاساپ.
قوردىڭ تاپسىرىسىمەن «تۋريستىك قامقوردىڭ» ءموبيلدى قوسىمشاسى جاسالدى. قازاقستاندىقتار بۇل قوسىمشانى ۇيالى تەلەفونعا ورناتىپ، كەز كەلگەن ۋاقىتتا كىرىپ تۋريستىك وپەراتورلار مەن تۋريستىك كودتى تەكسەرە الادى. سونداي-اق تۋريزمگە قاتىستى شاعىمدانا الادى. ءبىز ول پروبلەمانى شەشۋگە كومەكتەمەسىز، - دەدى «تۋريستىك قامقور» قورىنىڭ جەتەكشىسى يننا رەي.
ونىڭ ايتۋىنشا، اتالعان قوسىمشا شەتەلدە دەمالۋدى جوسپارلاپ وتىرعان قازاقستاندىقتارعا تۋريستىك اگەنت پەن تۋريستىك جولدامانى تەكسەرۋگە مۇمكىندىك بەرەدى.
ءبىز قازاقستاندىقتارعا شەتەلدە دەمالاتىن كەزدە ءبىرىنشى كەزەكتە تۋريستىك كودتىڭ بارىنا كوز جەتكىزۋگە كەڭەس بەرەمىز. تۋركود بولۋى كەرەك، ءارى ول جالعان ەمەس، زاڭدى ەكەنىنە كوز جەتكىزىپ العان ابزال. مىسالى، جاڭا جىل سياقتى مەرەكە – حالىق كوپ دەمالاتىن، ادەمى جەردە قارسى الۋعا تىرىساتىن كەز. تەك ءبىزدىڭ ەلدە عانا ەمەس، بۇكىل الەمدە جولاۋشىلار اعىنىنىڭ ديناميكاسى ارتادى. بۇل كەزدە ءتۇرلى پروبلەمالارعا تاپ بولۋى مۇمكىن. مۇنداي جاعدايدا ازاماتتارىمىز وزدەرىنىڭ ەلى قورعايتىنىن ءبىلۋى كەرەك. بۇل تەك تۋريستىك كود بولسا عانا مۇمكىن بولادى. تۋريستىك كود بولسا، كوڭىلى قالاعان، باعاسىن قالتاسى كوتەرەتىن كەز كەلگەن ەلدە دەمالا الادى، - دەپ تولىقتىردى ول ءسوزىن.
سونىمەن قاتار ول تۋريستىك كود پەن تۋريستىك اگەنتتەر تۋرالى اقپاراتپەن قوردىڭ سايتىنان تانىسۋعا بولاتىنىن ەسكە سالدى. وندا كەپىلدىك جۇيەسىندە جۇمىس ىستەيتىن تۋراگەنتتەردىڭ ءتىزىمى بار.
ەسكە سالا كەتسەك، «تۋريستىك قامقور» قورىنىڭ ماقساتى – تۋروپەراتوردىڭ، تۋروپەراتور-اۋە كەمەسىمەن جالدانۋشىنىڭ مىندەتتەمەلەردى ورىنداۋ مۇمكىندىگى بولماعان كەزدە شەتەلدەگى قازاقستان ازاماتتارىن ەلگە جەدەل قايتارۋدى قامتاماسىز ەتۋ.