الماتىداعى "يۋجنايا" قازاندىعىندا ەلەكتر قۋاتى قىسقا مەرزىمگە وشكەن كەيىن قايتادان شتاتتىق رەجيمدە جۇمىس ىستەي باستادى، دەپ حابارلايدى almaty-akshamy.kz الماتى قالاسى ەنەرگەتيكا جانە سۋمەن جابدىقتاۋ باسقارماسىنا سىلتەمە جاساپ.
12 قاراشا ساعات 09.40 بوستاندىق اۋدانىنداعى “يۋجنايا" قازاندىعىندا قۇرىلعى اجىراپ، ەلەكتر قۋاتى ازداعان ۋاقىتقا بەرىلمەي قالدى. №3 سۋ جىلىتۋ قازاندىعىندا قالدىق گاز-اۋا قوسپاسىنىڭ تۇتانۋىمەن اۆتوماتيكا جۇمىسىندا اقاۋ بولدى.
وسى سەبەپتى جاقىن ماڭداعى ۇيلەردىڭ تۇرعىندارى تارسىل ءتارىزدى دىبىستى ەستۋى مۇمكىن.
10 مينۋتتان كەيىن جىلۋ جەلىلەرىنىڭ گيدراۆليكالىق رەجيمىن قالپىنا كەلتىرە وتىرىپ، سورعى قوندىرعىلارى ىسكە قوسىلدى.
قازاندىق شتاتتىق رەجيمدە جۇمىس ىستەيدى.
قۇرباندار مەن زارداپ شەككەندەر جوق.