قازاقستان مەن تۇرىكمەنستان اراسىندا اۋە قاتىناسى قايتا اشىلادى
ازاماتتىق اۆياسيا كوميتەتى تۇرىكمەن تاراپىمەن بىرلەسىپ قازاقستان مەن تۇرىكمەنستان اراسىندا اۋە قاتىناسىن جاڭارتۋ ماسەلەسىن پىسىقتادى، دەپ حابارلايدى Almaty-akshamy.kz
وسىلايشا، "تۇرىكمەنستان" اۋەكومپانياسى 2023 جىلدىڭ 26 ناۋرىزىنان باستاپ ەكى ەل اراسىنداعى تۇراقتى جولاۋشىلار رەيستەرىن قايتا باستاۋدى جوسپارلاپ وتىر.
"رەيستەر الماتى-اشحاباد باعىتى بويىنشا اپتاسىنا 2 رەيس جيىلىگىمەن سەيسەنبى جانە بەيسەنبى كۇندەرى "بوينگ-737" ۇلگىسىندەگى اۋە كەمەلەرىندە ورىندالاتىن بولادى"، - دەلىنگەن حابارلامادا.
اۋە قاتىناسىن جاڭارتۋ ەلدەر اراسىنداعى ساۋدا-ەكونوميكالىق، ىسكەرلىك، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتەدى.