ەلىمىزدە ەلەكتروۆوز ءوندىرىسى قولعا الىنادى

فرانسۋز كومپانياسى ەلىمىزدىڭ 4 وڭىرىندە ەلەكتروۆوز ءوندىرىسىن جانە ولارعا قىزمەت كورسەتەتىن ورتالىقتاردى اشۋدى جوسپارلاپ وتىر.

مۇنى ب ا ق وكىلدەرىنىڭ قاتىسۋىمەن وتكەن بريفينگتە سىرتقى ىستەر ءمينيسترىنىڭ ورىنباسارى رومان ۆاسيلەنكو ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«Total Energies» فرانسۋز كومپانياسىنىڭ جامبىل وبلىسىندا سالىپ جاتقان قۋاتى 1 گيگاۆاتت بولاتىن جەل ەلەكتر ستانسياسى جوباسىنا ەرەكشە توقتالعىم كەلەدى. بۇل نىساندى 2026-2027 جىلدارى پايدالانۋعا بەرۋ جوسپارلانىپ وتىر. ونىڭ قۇنى 1،9 ملرد دوللارعا باعالانادى. بۇدان باسقا، «Alstom» كومپانياسى استانا، الماتى قالالارى مەن جامبىل جانە تۇركىستان وبلىستارىندا ەلەكتروۆوز ءوندىرىسىن جانە ولارعا قىزمەت كورسەتەتىن ورتالىقتاردى قۇرۋدى جوسپارلاپ وتىر. بۇل جوبانى ىسكە اسىرۋ كەزىندە 1 مىڭنان استام جەرگىلىكتى ماماندار دايارلانادى»، - دەپ جوسپارلارعا توقتالدى»، - دەپ اتاپ ءوتتى سىرتقى ىستەر ءمينيسترىنىڭ ورىنباسارى.

بريفينگ بارىسىندا رومان ۆاسيلەنكو ايماقتاعى گەوساياسي جاعدايعا بايلانىستى كوپتەگەن ەۋروپالىق كومپانيالار ءبىزدىڭ ەلگە كەلۋگە نيەت ءبىلدىرىپ جاتقانىن ايتتى.  

سونىمەن بىرگە ءمينيستردىڭ ورىنباسارى بىلتىر قازاقستان مەن ەۋروپالىق وداق اراسىنداعى ءوزارا تاۋار اينالىمى 27،6%-عا ءوسىپ، 40 ملرد دوللارعا جەتكەنىن اتاپ ءوتتى.