تۇرىكمەنستان پرەزيدەنتى سەردار بەردىمۇحامەدوۆ ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە قاتىسادى. تۇرىكمەنستان باسشىسىن قازاقستان پرەمەر-مينيسترى ولجاس بەكتەنوۆ قارسى الدى، دەپ حابارلايدى aqshamnews.kz
قازاقستان مەن تۇرىكمەنستان ءوزارا ءىس-قيمىلدىڭ بارلىق سپەكترى بويىنشا ساۋدا-ەكونوميكالىق ىنتىماقتاستىقتى بەلسەندى تۇردە كەڭەيتۋدە. ماسەلەن، 5 جىل ىشىندە ەكى ەل اراسىنداعى ءوزارا ساۋدا كولەمى 4 ەسەگە ءوسىپ، تەك سوڭعى جىلدىڭ وزىندە 28%-عا ارتتى. بيىلعى 6 ايدا تاۋار اينالىمى $237،2 ملن-دى قۇرادى.
بۇگىنگى تاڭدا ىنتىماقتاستىقتى ارتتىرۋدىڭ پەرسپەكتيۆالى باعىتتارى – گاز جانە ترانزيتتىك-كولىك سالالارى. وندا اۆتوجولداردى رەكونسترۋكسيالاۋ جانە سالۋ بويىنشا ءبىرقاتار ءىرى جوبالار ىسكە اسىرىلۋدا. ونىڭ ىشىندە ۇزىندىعى 225 شاقىرىم بولاتىن «قازاقستان شەكاراسى – گارابوگاز – تۇرىكمەنباشى» جاڭا اۆتوجولىنىڭ جانە گارابوگازگول شىعاناعى ارقىلى وتەتىن جاڭا كوپىردىڭ قۇرىلىسى بار. ۇزىندىعى 165 شاقىرىم «جاڭاوزەن – تۇرىكمەنستان شەكاراسى» ۋچاسكەسىن رەكونسترۋكسيالاۋ جوباسى پىسىقتالۋدا.