31 تامىزدان باستاپ ەلدە ۇلەستىك قاتىسۋعا قاتىستى جاڭا ەرەجەلەر كۇشىنە ەنەدى، دەپ حابارلايدى aqshamnews.kz
جىلجىمايتىن مۇلىك جونىندەگى ساراپشى نۇرماحان الدانوۆ قازاقستاندا قايتالاما تۇرعىن ءۇي قىمباتتايتىنىن.
قازاقستاندا سالىنىپ جاتقان تۇرعىن ءۇيدى ساتىپ الۋعا دەگەن قىزىعۋشىلىق تومەندەۋى مۇمكىن. جاڭا زاڭ باستاپقى تۇرعىن ءۇي نارىعىنداعى مامىلەلەرگە قاتاڭ تالاپتار ەنگىزىپ، بانكتەر ارقىلى باقىلاۋ ورناتادى جانە «كولەڭكەلى» سحەمالارعا تىيىم سالادى. ساراپشىلاردىڭ پىكىرىنشە، مۇنىڭ بارلىعى قىسقا مەرزىمدە جاڭا ۇيلەرگە دەگەن سۇرانىستى ازايتىپ، ەكىنشى نارىقتاعى پاتەرلەردىڭ پوزيسياسىن كۇشەيتەدى.
- باستاپقى تۇرعىن ۇيگە جاسالاتىن مامىلەلەردىڭ سانى ازايادى دەپ ويلايمىن. حالىق سالىنىپ جاتقان ۇيلەردى سيرەك ساتىپ الىپ، ەكىنشى نارىقتى كوبىرەك تاڭدايتىن بولادى. باستاپقى نارىقتاعى سۇرانىس تومەندەيدى. ويتكەنى ۇلەستىك قاتىسۋ جۇيەسى تولىققاندى ىسكە قوسىلعانشا ۋاقىت قاجەت بولادى – جۇيە جۇمىس ىستەپ، سكورينگ ەنگىزىلگەنشە بىرنەشە اي ءوتۋى مۇمكىن. سول سەبەپتى العاشقى نارىق باسەڭسىپ، سۇرانىس دايىن تۇرعىن ۇيلەرگە اۋىسادى، – دەدى جىلجىمايتىن مۇلىك جونىندەگى ساراپشى نۇرماحان الدانوۆ Digital Business باسىلىمىنا.
ال قۇرىلىس كومپانيالارى ساتىپ الۋشىلارىن جوعالتپاۋ ءۇشىن باعانى تومەندەتىپ، جەڭىلدىكتەر ۇسىنىپ، ءبولىپ تولەۋ جۇيەلەرىن ەنگىزە باستايدى.
- ءقازىردىڭ وزىندە كوپتەگەن كومپانيا “كومبو-پاكەتتەر” ۇسىنۋدا: مىسالى، 1 قىركۇيەككە دەيىن ءۇش بولمەلى پاتەر ساتىپ الساڭ قويما سىيعا بەرىلەدى، ال اۆتوتۇراققا 50% جەڭىلدىك جاسالادى. بۇل زاڭ كۇشىنە ەنگەنگە دەيىن قاراجات جيناۋ ءۇشىن جاسالىپ جاتقان قادامدار (قاعاز جۇزىندە ەمەس، ناقتى ءىس جۇزىندە)، – دەپ تۇيىندەدى نۇرماحان الدانوۆ.