تۇرعىن ۇي-كوممۋنالدىق ينفراقۇرىلىمىن جاڭارتۋ ماسەلەسى قالا اكىمىنىڭ اۋەزوۆ اۋدانى تۇرعىندارىمەن وتكەن كەزدەسۋىندە كوتەرىلدى.
بۇل ماسەلە دە اكىمدىكتىڭ باستى نازارىندا. «نۇرلى جەر» تۇرعىن ۇي-كوممۋنالدىق شارۋاشىلىقتى دامىتۋ باعدارلاماسى اياسىندا 2022 جىلدىڭ باسىنان باستاپ، 8 ءۇيدىڭ جالپى پايدالانىمداعى ورىندارى جوندەلدى جانە 97 ءۇيدىڭ 190 ءليفتىسى اۋىستىرىلدى، دەپ حابارلايدى Almaty-akshamy.kz.
قالا باسشىسىنىڭ ايتۋىنشا، بيىلعى جىلدىڭ سوڭىنا دەيىن 8 ۇيدەگى 12 ءليفتىنى قوسىمشا اۋىستىرۋدى جانە 32 ۇيدەگى جالپى پايدالانۋ ورىندارىن جوندەۋ جوسپارلانىپ وتىر.
«سونىمەن قاتار، ساين كوشەسىندەگى №4 ءۇي تۇرعىندارىنىڭ ءوتىنىشى بويىنشا مەن №4، №4/1 جانە №4/2 ۇيلەردىڭ جۇمساق شاتىرىن قالپىنا كەلتىرۋدى تاپسىردىم. شاتىرلاردى كەپىلدىك مىندەتتەمەلەر شەڭبەرىندە مەردىگەر ۇيىم قالپىنا كەلتىردى»، - دەدى قالا باسشىسى ەربولات دوسايەۆ.