ىشكى ىستەر ءمينيسترىنىڭ مىندەتىن اتقارۋشى ەرلان تۇرعىمبايەۆ جالعان اقپارات تاراتقاندار جازاعا تارتىلاتىنىن ەسكەرتتى، دەپ حابارلايدى Almaty-akshamy.kz.
تۇرعىمبايەۆ قازاقستاندىقتاردى شەكتەۋ شارالارىنا شىدامدىق تانىتىپ، ساق بولۋعا، كۇدىكتى دەرەكتەر تۋرالى پوليسياعا حابارلاۋعا شاقىردى.
«اسىرەسە، لاڭكەستەرگە قارسى ارەكەت ورنىندا ساق بولۋدى، ارانداتۋعا بەرىلمەي، بارلىق كۇدىكتى دەرەكتەردى پوليسياعا حابارلاۋدى سۇرايمىن. بۇل ارقىلى ەلىمىزدەگى ءتارتىپتى قالىپقا كەلتىرۋدە قۇقىق قورعاۋ ورگاندارىنا ۇلكەن كومەك بەرەسىزدەر»، - دەدى تۇرعىمبايەۆ.
ول مۇنداي قيىن ۋاقىتتا كورىنەۋ جالعان اقپارات تاراتۋعا بولمايتىنىن، ال ونداي دەرەك تىركەلسە، پوليسيا ارەكەت ەتەتىنىن ەسكەرتتى.
«مەملەكەتتىك جانە ىشكى ىستەر ورگاندارىنىڭ رەسمي دەرەككوزدەرىنە سەنۋ كەرەك. تج كەزىندە جالعان اقپارات تاراتقاندار قك 274-بابى، 4-بولىگىنە سايكەس، ءۇش جىلدان جەتى جىلعا دەيىن سوتتالادى»، - دەدى ىشكى ىستەر ءمينيسترىنىڭ مىندەتىن اتقارۋشى.