30-عا جۋىعى "وميكرون" شتامىن جۇقتىرعان
اقتوبە وبلىسىندا كوروناۆيرۋستىڭ جاڭا شتامى "وميكرون" انىقتالدى. بۇل تۋرالى ءوڭىر اكىمى وڭداسىن ورازالين مالىمدەدى، دەپ حابارلايدى Almaty-akshamy.kz 24.kz سايتىنا سىلتەمە جاساپ.
«بۇعان دەيىن تاۋلىگىنە كوروناۆيرۋس جۇقتىرۋدىڭ بىر-ەكى دەرەگى تىركەلەتىن، كەيدە ءتىپتى مۇنداي دەرەكتەر بولمايتىن دا. ال ءقازىر، كەيىنگى تاۋلىكتىڭ وزىندە 70-كە جۋىق جاعداي انىقتالدى. دەرەكتەرگە سۇيەنسەك، ولاردىڭ 30-عا جۋىعى "وميكرون" شتامىن جۇقتىرعان»، - دەدى اقتوبە وبلىسىنىڭ اكىمى وڭداسىن ورازالين.
ايتا كەتەيىك، كەيىنگى تاۋلىكتە قازاقستاندا 1 945 كوروناۆيرۋس جۇقتىرۋ دەرەگى تىركەلگەن. ونىڭ 1 319-ى نۇر-سۇلتاندا. ەلوردا، ەپيدەميولوگيالىق جاعدايدى باعالاۋ ماتريساسىنا سايكەس، «قىزىل» ايماقتا تۇر.