بۇل ايماققا بارۋعا ۋاقىتشا شەكتەۋلەر ەنگىزىلدى.
الماتى وبلىسىنداعى تۇرگەن وزەنى اۋماعىندا 30 مىڭنان استام ادام تۇرادى، دەپ حابارلايدى Almaty-akshamy.kz
«تۇرگەن وزەنى باسسەينىنىڭ مۇزداق كولدەرىندە سۋدىڭ توگىلۋى مەن سەلدىڭ ورىن الۋ ءقاۋپىن بولدىرماس ءۇشىن سۋ دەڭگەيىن تومەندەتۋ بويىنشا الدىن الۋ جۇمىستارى جۇرگىزىلىپ جاتىر. جاقىندا تج ۆيسە-مينيسترى باتىربەك ابدىشيەۆتىڭ ۇيلەستىرۋىمەن تجم قازاۆياقۇتقارۋدىڭ ەكى تىكۇشاعىمەن مۇزداق كولدىڭ ماڭىندا جابدىقتاردى تاسىمالداپ ءتۇسىرۋ جۇمىستارى جۇزەگە اسىرىلدى. جۇمىستاردى «قازسەلدەنقورعاۋ» مم باسشىلىعى مەن اۆاريالىق بريگاداسى جۇرگىزدى»، دەپ مالىمدەدى توتەنشە جاعدايلار مينيسترلىگى.
ەكى كۇن ىشىندە ولار سيفون توسەۋ ارقىلى ەرىگەن مۇزدىق سۋىن ايداۋ جۇمىستارىن دا جۇرگىزدى. وسىلايشا بۇگىن ۇزىندىعى 300-گە جۋىق مەتر، ونىمدىلىگى سەكۋندىنا 110 ليتر بولاتىن العاشقى سيفون تىزبەگى ىسكە قوسىلدى.
«كولدەردەگى جۇمىستار اۋا رايىنا بايلانىستى جالعاسادى، شامامەن بيىلعى 16 شىلدەگە دەيىن جالعاسۋى مۇمكىن. ايتا كەتەيىك، جۇرگىزىلىپ جاتقان جەدەل جۇمىستار ادامداردىڭ ومىرىنە جانە وبەكتىلەردىڭ قيراۋىنا ءقاۋىپ توندىرەتىن سەل تاسقىنىنىڭ پايدا بولۋ ءقاۋپىن بولدىرماۋعا باعىتتالعان. دايىندىق جۇمىستارى الماتى وبلىسى اكىمدىگىنىڭ قولداۋىمەن ۇيىمداستىرىلدى. الماتى وبلىسىنىڭ اۋماعىندا تۇرگەن وزەنىنىڭ باسسەينىندە كۇردەلى سەل جاعدايى بايقالادى. قاۋىپ-قاتەر ايماعىندا 30 مىڭنان استام ادام تۇراتىن تاۋ-تۇرگەن، تۇرگەن، قاراكەمەر، بالتاباي ەلدى مەكەندەرى بار. وسىعان بايلانىستى مۇزدىقتىڭ جانە تۇرگەن وزەنى باسسەيىنى كولىنىڭ سەل جانە گيدرومەتەورولوگيالىق جاعدايىنا مونيتورينگ ۇيىمداستىرىلدى. «قازسەلدەنقورعاۋ» مم بەكەتتەرى حالىقتى ۋاقتىلى حاباردار ەتۋ ءۇشىن تاۋلىك بويى جۇمىس ىستەيدى»، - دەيدى تجم.
بۇل ايماققا بارۋعا ۋاقىتشا شەكتەۋلەر ەنگىزىلدى. جاياۋ تۋريستەردى، اۆتوكولىك يەلەرىن، جەرگىلىكتى تۇرعىندار مەن اتقارۋشى ورگانداردى قۇلاقتاندىرۋ جۇمىستارى جۇرگىزىلىپ جاتىر. توتەنشە جاعدايدىڭ الدىن الۋ ءۇشىن بارلىق مۇمكىن شارا قابىلدانىپ جاتىر. سوندىقتان تەك رەسمي اقپارات كوزدەرىنە سەنىڭىزدەر، دەپ ەسكەرتتى قۇتقارۋشىلار.