بۇل ۆوكزال ۇجىمىنىڭ قىلمىسى.
سوعان بايلانىستى تەمىرجول ۆوكزالىنىڭ باسشىسى جۇمىسىنان شەتتەتىلدى، دەپ حابارلايدى Almaty-akshamy.kz
قازاقستان تەمىر جولى جەكە كاسسادا بيلەتتەردى زاڭسىز قايتا ساتۋ فاكتىلەرىن انىقتادى.
«قتج-عا بيلەتتەردى زاڭسىز قايتا ساتۋمەن بايلانىستى جولاۋشىلاردان بىرنەشە رەت شاعىم ءتۇستى. الماتى-1 تەمىرجول ۆوكزالىندا بيلەتتەردى قايتا ساتىپ الۋشىلارمەن كۇرەس اياسىندا قازاقستان تەمىر جولى قىزمەتكەرلەرى جۇرتشىلىق پەن بۇقارالىق اقپارات قۇرالدارىن تارتا وتىرىپ، ءوز تەرگەۋىن جۇرگىزدى. ناتيجەسىندە بيلەتتەردى زاڭسىز قايتا ساتۋ جانە تەمىر جول بيلەتتەرىنىڭ جاساندى تاپشىلىعىن جاساۋ فاكتىلەرىن انىقتادى. بيلەتتەردى قايتا ساتۋ سحەماسىنا جەكە كاسسا قىزمەتكەرلەرى مەن ولاردىڭ دەلدالدارى قاتىسقان»، دەيدى كومپانيانىڭ باسپا ءسوز قىزمەتى.
تەرگەۋ ماتەريالدارى قۇقىق قورعاۋ ورگاندارىنا بەرىلدى. ۆوكزال باستىعى تەرگەۋ جۇرگىزۋ كەزەڭىندە لاۋازىمىنان شەتتەتىلدى. ونىڭ اتقاراتىن لاۋازىمىنا سايكەستىگى تۋرالى ماسەلە قارالادى. جەكە كاسسانىڭ جۇمىسى توقتاتىلدى. وسىنداي تەكسەرۋ ەلىمىزدىڭ بارلىق ۆوكزالىندا جۇرگىزىلەدى.