1 جەلتوقسان - ۇلت تاريحىندا جاڭا وزگەرىستەر باستاۋ العان ەرەكشە كۇن
الماتى قالاسى بويىنشا قىلمىستىق-اتقارۋ جۇيەسى دەپارتامەنتىنىڭ جەكە قۇرامى قازاقستان رەسپۋبليكاسىنىڭ تۇڭعىش پرەزيدەنتى كۇنىن سالتاناتتى تۇردە اتاپ ءوتتى، دەپ حابارلايدى Almaty-akshamy.kz.
سالتاناتتى جيىندى اشقان دەپارتامەنت باستىعى، ادىلەت پولكوۆنيگى د.قاناتبەكوۆ قازاقستاننىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ قازاق ەلىنىڭ بۇگىنگى قول جەتكىزگەن جەتىستىكتەرىنە قوسقان ۇلەسىن، باعا جەتپەس ەڭبەگىن اتاپ ءوتتى.
«1 جەلتوقسان - ۇلت تاريحىندا جاڭا وزگەرىستەر باستاۋ العان ەرەكشە كۇن. 1991 جىلدىڭ 1 جەلتوقسانىندا بۇكىلحالىقتىق سايلاۋ ناتيجەسىندە قازاق ەلىنىڭ تۇڭعىش پرەزيدەنتى سايلانعان بولاتىن. قازاق حالقى ءوزىنىڭ تۇڭعىش پرەزيدەنتىنىڭ باستاماسىمەن ساياسي جانە ەكونوميكالىق رەفورمالاردى جۇزەگە اسىردى. تۇڭعىش پرەزيدەنتتىڭ جانكەشتى ەڭبەگىنىڭ ارقاسىندا رەسپۋبليكامىزدىڭ شەكاراسى ناقتىلانىپ، قازاقستاننىڭ قارۋلى كۇشتەرى قۇرىلدى. ەلدى رۋحاني جاڭعىرتۋ باعىتىندا دا قىرۋار ەڭبەك ەتتى.
مىنە، ەلباسىنىڭ مەملەكەت الدىنداعى ەڭبەگىن ناسيحاتتاۋ ماقساتىندا 1 جەلتوقسان - قازاقستان رەسپۋبليكاسىنىڭ تۇڭعىش پرەزيدەنتى كۇنى بولىپ بەكىتىلدى.
بارلىقتارىڭىزدى وسى ايتۋلى مەرەكەمەن قۇتتىقتاي وتىرىپ، مەملەكەتىمىزدىڭ جارقىن بولاشاعى جولىنداعى ەڭبەكتەرىڭىزگە تابىس تىلەيمىن»، - دەدى ادىلەت پولكوۆنيگى د.قاناتبەكوۆ.
سالتاناتتى جيىندا 50-دەن استام قىزمەتكەر ماراپاتتالدى. ولاردىڭ ىشىندە لا-155/13 مەكەمەسىنىڭ باقىلاۋشىسى بيعالي سەيدىعاپاروۆقا مەرزىمىنەن بۇرىن ادىلەت اعا سەرجانتى ارناۋلى اتاعى بەرىلسە، الماتى قالاسى پروباسيا قىزمەتىنىڭ باستىعى، ادىلەت پودپولكوۆنيگى م.زاكيربايەۆ «قىلمىستىق-اتقارۋ جۇيەسىن دامىتۋعا قوسقان ۇلەسى ءۇشىن» مەدالىمەن جانە لا–155/6 مەكەمەسىنىڭ اعا ينسپەكتورى، ادىلەت اعا لەيتەنانتى ج. شۇكىروۆ «قىلمىستىق-اتقارۋ جۇيەسىنىڭ ۇزدىگى» توسبەلگىسىمەن ماراپاتتالدى. سونداي-اق 19 قىزمەتكەرگە قاجد اتىنان «قازاقستان رەسپۋبليكاسىنىڭ تاۋەلسىزدىگىنە 30 جىل» مەدالى تابىستالدى. مەرەيلى مەرەكە كۇنى 35 قىزمەتكەرگە دەپارتامەنت باستىعىنىڭ اتىنان العىس حات تاپسىرىلىپ، العىس جاريالاندى.