دانيار سوڭعى رەت شارشى الاڭعا ءبىر جىل بۇرىن شىققان
قازاقستاندىق بوكسشى دانيار ەلەۋسىنوۆتىڭ كەلەسى جەكپە-جەكتەگى قارسىلاسى اۋىستى، دەپ حابارلايدى Almaty-akshamy.kz Egemen.kz-كە سىلتەمە جاساپ.
Boxrec.com سايتىنىڭ مالىمەتىنشە، ەلەۋسىنوۆتىڭ جاڭا وپپونەنتى ارگەنتينالىق حۋان ەرنان لەال (15-1، 4 كو) بولماق. جەكپە-جەك ون ەكى راۋندقا ەسەپتەلىنگەن، ولار IBO نۇسقاسى بويىنشا جارتىلاي ورتا سالماقتا الەم چەمپيونى ۆاكانتتى تيتۋلى ءۇشىن ايقاسپاق.
ەسكە سالا كەتەيىك، اۋەلى دانيار ەلەۋسىنوۆ مەكسيكالىق بوكسشى دانتە حاردونمەن (34-7، 25 كو) جۇدىرىقتاسۋى ءتيىس بولعان. الايدا ول سپاررينگ كەزىندە قولىن سىدىرىپ الدى. ەلەۋسىنوۆ — لەال جەكپە-جەگى 18 جەلتوقسان كۇنى نۇر-سۇلتان قالاسىندا وتپەك.
دانيار سوڭعى رەت شارشى الاڭعا ءبىر جىل بۇرىن، 2020 جىلعى قاراشادا، شىققان بولاتىن. وندا ول دجۋليۋس يندونگونى (23-4، 12 كو) ەكىنشى راۋندتا نوكاۋتپەن جەڭدى.