قازاقستان رەسپۋبليكاسىنداعى مەرەكە كۇندەرىنىڭ تىزبەسىنە وزگەرىستەر ەنگىزەتىن ۇكىمەت قاۋلىسىنىڭ جوباسى دايىندالدى.
بۇل رەتتە، مەرەكە كۇندەرىنىڭ تىزبەسى جاڭا تارماقپەن تولىقتىرىلادى:
44-1. قازاقستان رەسپۋبليكاسىنىڭ تۇڭعىش پرەزيدەنتى كۇنى - 1 جەلتوقسان.
ەندى بۇل كۇن مەملەكەتتىك رامىزدەر كۇنى، العىس ايتۋ كۇنى جانە جوعارى الەۋمەتتىك ماڭىزى بار وزگە دە كۇندەر سياقتى اتاپ وتىلەدى. جاڭا قاۋلىعا سايكەس، بۇل كۇن دەمالىس بولىپ ەسەپتەلمەيدى، دەپ حابارلايدى Almaty-akshamy.kz.
بۇعان دەيىن قازاقستان رەسپۋبليكاسىنىڭ تۇڭعىش پرەزيدەنتى كۇنى مەملەكەتتىك مەرەكە مارتەبەسىنە يە بولعان.
قۇجات 3 قاراشاعا دەيىن اشىق تالقىلاۋ ءۇشىن اشىق نقا سايتىنا ورنالاستىرىلعان.
ەسكە سالا كەتسەك، 2022 جىلعى 28 قىركۇيەكتە مەملەكەت باسشىسى قاسىم-جومارت توقايەۆ 25 قازان – رەسپۋبليكا كۇنىن مەملەكەتتىك مەرەكەلەر قاتارىنا قايتارۋدى كوزدەيتىن زاڭعا قول قويدى. سونىمەن قاتار 1 جەلتوقساندا اتاپ وتىلەتىن تۇڭعىش پرەزيدەنت كۇنى مەملەكەتتىك مەرەكەلەر تىزىمىنەن الىندى.