كەلەسى اپتادا كۇز باستالادى. وسى مەزگىلدە تۇماۋعا قارسى ەكپە سالىنۋى ءتيىس.
بيىلعى ەپيداحۋال جاعدايىندا تۇماۋعا قارسى ۆاكسيناسيا ۋاقتىلى وتكىزىلە مە؟ بۇل سۇراققا الماتى قالاسىنىڭ باس سانيتارلىق دارىگەرى جانداربەك بەكشين جاۋاپ بەردى، دەپ حابارلايدى Almaty-akshamy.kz ءتىلشىسى.
«ءقازىر ءبىز 180 مىڭ دانا تۇماۋعا قارسى ۆاكسيناعا تاپسىرىس بەرىپ قويدىق. ءبىراق ول ءالى قولىمىزعا تيگەن جوق. تۇماۋدىڭ ەكپەسى ەڭ الدىمەن «تاۋەكەل توبىنا» جاتاتىن ادامدارعا، ياعني مەديسينا قىزمەتكەرلەرى، بالالار ءۇيىنىڭ تاربيەلەنۋشىلەرى، سوزىلمالى اۋرۋى بارلارعا سالىنادى. ءجيى اۋىراتىن ادامدار العاشقى كەزەكتە ۆاكسينا الادى. «گريپپول پليۋس» دەگەن رەسەيلىك ۆاكسينا الدىرامىز. ادەتتەگىدەي، تۇماۋعا قارسى ەكپە سالۋ 1 قازاندا باستالادى»، -دەدى باس سانيتار.