تۇماۋدان قورعانۋ ءۇشىن نە ىستەۋ كەرەك؟

تۇماۋدان ساقتانۋ ءۇشىن الدىن الۋ شارالارى مەن دۇرىس كۇتىم ماڭىزدى ءرول اتقارادى. قىس مەزگىلىندە يممۋنيتەتتى كۇشەيتىپ، اۋرۋدان قورعانۋدىڭ ءتيىمدى جولدارىن ءبىلۋ اركىمگە پايدالى

·         جىل سايىن تۇماۋعا قارسى ۆاكسينا الۋ – يممۋنيتەتتى كۇشەيتىپ، ۆيرۋسپەن كۇرەسۋگە كومەكتەسەدى.

·         قولدى ءجيى سابىنداپ جۋۋ، اسىرەسە قوعامدىق ورىنداردا بولعاننان كەيىن. بەتكە، مۇرىنعا جانە كوزگە قولدى تيگىزبەۋگە تىرىسىڭىز.

·         تۇماۋ ماۋسىمى كەزىندە ادام كوپ جينالاتىن ورىنداردان مۇمكىندىگىنشە اۋلاق بولىڭىز. بۇل جەرلەردە ۆيرۋستىڭ تارالۋ ءقاۋپى جوعارى بولادى.

·         يممۋندىق جۇيەنى قولدايتىن پايدالى تاعامداردى (جەمىس-جيدەك، كوكونىس، دارۋمەندەرگە باي ازىقتار) تۇتىنۋ ماڭىزدى.

·         جۇيەلى تۇردە سپورتپەن شۇعىلدانۋ يممۋنيتەتتى كوتەرەدى جانە اعزانى ۆيرۋستاردان قورعايدى.

·         بولمەدەگى اۋانى ۇنەمى جەلدەتىپ، ىلعالدىلىق دەڭگەيىن ساقتاۋ ۆيرۋستىڭ تارالۋ ءقاۋپىن ازايتادى.

·         كۇنى بويى جەتكىلىكتى مولشەردە سۋ ءىشۋ اعزانىڭ جالپى ساۋلىعىن قولدايدى، يممۋندىق جۇيەنىڭ بەلسەندىلىگىن ساقتايدى.

·         ادام كوپ جەردە بولعاندا ماسكا كيۋ نەمەسە اۋىرىپ قالعان ادامدارعا ماسكا تاعىپ ءجۇرۋ ۇسىنىلادى.

·         قالىپتى ۇيقى ءتارتىبىن ۇستانىپ، اعزانىڭ دەمالۋىنا مۇمكىندىك بەرۋ يممۋنيتەتتى نىعايتادى.

ەگەر دە تۇماۋ بەلگىلەرى پايدا بولسا، ءوزىن-وزى ەمدەۋگە تىرىسپاي، دارىگەرگە جۇگىنۋ ۇسىنىلادى.