قازاقستاننىڭ ون وبلىسىندا، سونداي-اق ەلىمىزدىڭ ەكى مەگاپوليسىندە سەنبى، 16 قىركۇيەكتە داۋىلدى ەسكەرتۋ جاريالاندى، دەپ حابارلايدى «قازگيدرومەت» رمك
استانادا تۇندە جانە تاڭەرتەڭ تۇمان تۇسەدى.
اقمولا وبلىسىنىڭ وڭتۇستىگى مەن شىعىسىندا تۇندە جانە تاڭەرتەڭ تۇمان تۇسەدى. تۇندە وبلىستىڭ سولتۇستىك-شىعىسىندا توپىراق بەتىندە 1 گرادۋس اياز بولادى.
قوستاناي وبلىسىنىڭ باتىسىندا تاڭەرتەڭ جانە كۇندىز نايزاعاي وينايدى. وبلىستىڭ سولتۇستىگىندە تۇمان تۇسەدى.
پاۆلودار وبلىسىنىڭ وڭتۇستىگى مەن شىعىسىندا نايزاعاي وينايدى. تۇندە وبلىستىڭ سولتۇستىگىندە تۇمان تۇسەدى. سولتۇستىكتەن جەل سوعادى.
باتىس قازاقستان وبلىسىنىڭ سولتۇستىگى مەن شىعىسىندا نايزاعاي وينايدى. سولتۇستىكتە جانە وبلىس ورتالىعىندا تۇندە جانە تاڭەرتەڭ تۇمان تۇسەدى.
ماڭعىستاۋ وبلىسىنىڭ سولتۇستىك-باتىسىندا جانە سولتۇستىگىندە نايزاعاي وينايدى.
اتىراۋ وبلىسىنىڭ سولتۇستىگىندە، وڭتۇستىگىندە جانە شىعىسىندا نايزاعاي كۇتىلەدى. تۇندە جانە تاڭەرتەڭ وبلىستىڭ باتىسىندا، وڭتۇستىگىندە جانە سولتۇستىگىندە تۇمان تۇسەدى.
كۇندىز اقتوبە وبلىسىنىڭ باتىسىندا جانە سولتۇستىگىندە نايزاعاي وينايدى. جەل وڭتۇستىك-باتىستان وڭتۇستىك-شىعىسقا بۇرىلىپ، سوعادى، ەكپىنى - 15-20 م/س.
قاراعاندى وبلىسىنىڭ سولتۇستىگىندە كۇندىز نايزاعاي ويناپ، بۇرشاق جاۋۋى مۇمكىن. سولتۇستىكتە، وبلىس ورتالىعىندا تۇمان تۇسەدى. تۇندە وبلىستىڭ سولتۇستىگىندە توپىراق بەتىندە 1 گرادۋس اياز كۇتىلەدى. وبلىستىڭ وڭتۇستىگىندە جوعارى ءورت ءقاۋپى ساقتالادى.
ۇلىتاۋ وبلىسىنىڭ سولتۇستىگىندە تۇندە جانە تاڭەرتەڭ تۇمان كۇتىلەدى، وبلىستىڭ وڭتۇستىگىندە وتە جوعارى ءورت ءقاۋپى بار.
تۇركىستان وبلىسىنىڭ تاۋ اسۋلارىندا كۇندىز سولتۇستىك-شىعىستان 15-20 م/س جەل سوعادى. وبلىستىڭ باسىم بولىگىندە جوعارى ءورت ءقاۋپى ساقتالادى.
شىمكەنتتە جوعارى ءورت ءقاۋپى ساقتالادى.