تۇيەمەن كەلىپ داۋىس بەرۋدە

ءبىر توپ ازامات داۋىس بەرۋ كەزىندە ءان مەن جىردان شاشۋ شاشقان.

تالدىقورعان قالاسىندا داۋىس بەرۋشىلەر ءۇشىن بارلىق سايلاۋ ۋچاسكەسى جۇمىسىن باستادى، دەپ حابارلايدى اlmaty-akshamy.kz  Azattyq Ruhy-نا سىلتەمە جاساپ.  

كۇن مەن ءتۇن تەڭەلەتىن ۇلىستىڭ ۇلى مەرەكەسى قارساڭىندا ءوتىپ جاتقان ساياسي ناۋقاندا №419 سايلاۋ ۋچاسكەسىنە داۋىس بەرۋشىلەر تۇيەمەن كەلدى. ءبىر توپ ازامات داۋىس بەرۋ كەزىندە ءان مەن جىردان شاشۋ شاشقان.

العاشقىلاردىڭ ءبىرى بولىپ تۇيە اسىراۋشىلار داۋىس بەردى. ولاردىڭ قاتارىندا 35 جاستاعى ۇلان بايزاقوۆ تا بار. ول سوڭعى 15 جىل بويى تۇيە اسىراۋمەن اينالىسىپ كەلەدى. ۇلاننىڭ ايتۋىنشا، تۇيەنى اسىراۋ وڭاي ءىس ەمەس، ال وسىنداي قوس وركەشتى ءتورت تۇلىك مالدىڭ يەسى بولۋ ءبىر عانيبەت. 

«اپتانىڭ دەمالىس كۇندەرى تۇيەنى ورتالىق ساياباقتارعا شىعارىپ، بالالارعا قۋانىش سىيلاۋ – ۇلكەن باقىت. قىزمەت كورسەتىپ تاپقان قاراجاتىن تۇيەنىڭ جەم-شوبىنە، دارى-دارمەگىنە جۇمسايمىن. بۇگىنگى ساياسي ناۋقاننان قالىس قالماي،  العاشقىلاردىڭ ءبىرى بولىپ داۋىس بەرۋگە كەلدىك  ءارى ەلگە جاقسى كوڭىل-كۇي سىيلاعىمىز كەلدى»، - دەيدى تۇيەشى ۇلان بايزاقوۆ.