پرەمەر-مينيستر ءاليحان سمايىلوۆ قازىرگى ۇكىمەت قۇرامىنىڭ جۇمىسىنا قاتىستى پىكىر ءبىلدىردى، دەپ حابارلايدى اlmaty-akshamy.kz قازاقپارات-قا سىلتەمە جاساپ.
«وتكەن جىلى وتە قيىن جاعدايدا ەكونوميكانىڭ ناقتى ءوسىمىن 3،2%-عا قامتاماسىز ەتە الدىق. تاۋەلسىز رەيتينگ راستالىپ، ءتىپتى بولجامدى جاقسارتتىق. كۇردەلى جانە سىرتقى گەوساياسي جاعدايلارعا قاراماستان ەكونوميكامىز تۇراقتى دامي الدى. ينفلياسيالىق وزگەرىستەر بولدى، بيىل ونى ەكى ەسەدەن استامعا تومەندەتۋدى ماقسات ەتىپ وتىرمىز. وسى ماقساتتا جۇمىس ىستەيتىن بولامىز»، - دەيدى ۇكىمەت باسشىسى سايلاۋدا تاڭداۋىن جاساعاننان كەيىن تىلشىلەردىڭ ساۋالىنا جاۋاپ بەرە تۇرىپ.
ب ا ق وكىلدەرىنىڭ جاڭا ۇكىمەتتى باسقارۋعا دايىنسىز با؟ دەگەن ساۋالىنا:
«ءبىز ءارقاشان ەلىمىزدىڭ يگىلىگى ءۇشىن جۇمىس ىستەۋگە دايىنبىز»، - دەپ قىسقا جاۋاپ قايىردى.
ايتا كەتسەك، پرەمەر-مينيستر ءاليحان سمايىلوۆ ەلورداداعى №111 سايلاۋ ۋچاسكەسىندە داۋىس بەردى.