FIFA-نىڭ رەسمي سايتىنداعى مالىمەت بويىنشا، فيفا 2026 جىلعى الەم چەمپيوناتىنىڭ رەسمي دوبىن تانىستىرىپ، وعان Trionda اتاۋىن بەردى، دەپ حابارلايدى aqshamnews.kz.
جاڭا دوپتىڭ ديزاينى اقش، كانادا جانە مەكسيكا ەلدەرىنىڭ رامىزدەرىن بىرىكتىرەدى. تۇستەرى دە سوعان ساي تاڭدالعان: قىزىل – كانادا، جاسىل – مەكسيكا، كوك – اقش. بەتىندە ۇيەڭكى جاپىراعى، قىران قۇس پەن جۇلدىز بەينەلەنگەن.
Trionda – تەك ءۇش مەملەكەتتىڭ بىرلىگىن عانا ەمەس، سونىمەن قاتار زاماناۋي تەحنولوگيانى دا بىلدىرەدى. دوپتىڭ ىشىنە ارنايى چيپ ورناتىلعان. ول 500 گس جيىلىكتە جۇمىس ىستەپ، قوزعالىس تۋرالى ناقتى دەرەكتەردى ناقتى ۋاقىت رەجيمىندە بەرەدى. بۇل شەشىم تورەشىلەر مەن VAR جۇيەسىنىڭ جۇمىسىن جەڭىلدەتەدى.
جاڭا دوپ 2026 جىلدىڭ ماۋسىمىندا باستالاتىن فۋتبولدان الەم چەمپيوناتىنىڭ بارلىق ماچىندا قولدانىلاتىن بولادى.