شەكتى بالل 10 پۋنكتكە كوتەرىلىپ، ەندى كەمىندە 70 بالل بولۋى ءتيىس، دەپ حابارلايدى aqshamnews.kz
مەملەكەتتىك تاپسىرىسپەن وقۋعا ءتۇسۋ ءۇشىن تالاپ 100 باللدان تومەن بولماۋى كەرەك. شەتەل ازاماتتارى العاش رەت اعىلشىن ءتىلىن بىلەتىنىن راستايتىن سەرتيفيكات ۇسىنۋعا مىندەتتەلدى. سونىمەن قاتار ىشكى كونكۋرستار ەنگىزىلدى.
بيىل باكالاۆريات بويىنشا 49 ماماندىققا 2700 گرانت ءبولىندى، ونىڭ 2536-سى يگەرىلدى. قوسىمشا 131 گرانت كونكۋرس ناتيجەسىندە قايتا ۇلەستىرىلدى. كۆوتا شەڭبەرىندە 20 گرانت شەتەل ازاماتتارىنا، 13 گرانت الەۋمەتتىك وسال توپتارعا بەرىلدى.
ال اقىلى نەگىزدە وقۋعا قابىلداۋ قىسقارىپ، 4973 ستۋدەنتپەن شەكتەلدى. ينتەرناتۋراعا بيىل 4356 ستۋدەنت جىبەرىلدى، ونىڭ جارتىسىنا جۋىعى جالپى تاجىريبە دارىگەرى دايارلىعىنا باعىتتالدى. رەزيدەنتۋراعا جىل سايىن 2500 گرانت بولىنەدى. 2025 جىلى العاش رەت پەدياتريا سالاسىندا 14 جاڭا باعىت اشىلىپ، 188 گرانت قاراستىرىلدى.
مەديسينالىق عىلىمدى دامىتۋ ءۇشىن ماگيستراتۋراعا 325، PhD دوكتورانتۋراسىنا 160 گرانت ءبولىندى. جاڭا تالاپتار بىلىكتى ماماندار قورىن قالىپتاستىرىپ، قازاقستاندىق مەديسينا كادرلارىنىڭ باسەكەگە قابىلەتتىلىگىن ارتتىرۋعا باعىتتالىپ وتىر.