بۇل حالىقارالىق تۋرنير 2021 جىلى بولادى دەپ كۇتىلگەن
World Triathlon پەن Asia Triathlon 2022 جىلدىڭ 23–24 ماۋسىمىندا نۇر-سۇلتاندا U23 پەن Junior ساناتتارىنداعى سپورتشىلار اراسىندا ترياتلوننان ازيا چەمپيوناتى بولاتىندىعىن راستادى، دەپ حابارلايدى Almaty-akshamy.kz وlympic.kz-كە سىلتەمە جاساپ.
استانامىز 2022 Asia Triathlon Junior and U23 Championships Nur-Sultan اتتى قۇرلىقتىق بىرىنشىلىكتىڭ قاتىسۋشىلارىن العاش رەت قابىلدايتىن بولادى. بۇگىنگى تاڭدا سايىس جانە جاۋاپتى تەحنيكالىق دەلەگاتتار بەكىتىلدى.
بۇل حالىقارالىق تۋرنير 2021 جىلى بولادى دەپ كۇتىلگەنىمەن، تۇراقسىز ەپيدەميولوگيالىق جاعدايعا جانە ءبىرقاتار ەلدەردەگى شەكتەۋلەرگە بايلانىستى بولماي قالعان ەدى.
ەسكە سالا كەتەيىك، 24 شىلدەگە TEMIRADAM كۋبوگىنىڭ V كەزەڭى جوسپارلانىپ وتىر. Pro جانە Age Group ساناتىنداعى سايىسكەرلەر قۇرلىقتىق چەمپيوناتتىڭ تاريحي ديستانسياسىندا سىنعا ءتۇسۋ مۇمكىندىگىنە يە بولدى.