ءورت سوندىرۋشىلەر جانىپ جاتقان ۇيدەن ەكى گاز باللونىن الىپ شىقتى
قوستانايدا بەسىنشى سىنىپ وقۋشىسى ورتەنىپ جاتقان ۇيدەن بالالاردى امان الىپ شىقتى، دەپ حابارلايدى Almaty-akshamy.kz.
قوستاناي وبلىسىنىڭ ءتجد-نىڭ باسپا ءسوز قىزمەتى حابارلاعانداي 2021 جىلعى 25 جەلتوقساندا ساعات 11:36-دا 101 قىزمەتىنە قوستانايداعى «سادوۆود» س/ق اۋماعىندا ءورت تۋرالى قوڭىراۋ كەلىپ تۇسكەن. ءورت كۋاگەرى قوستانايداعى «سادوۆود» س/ق-نىڭ ورتەنىپ جاتقانىن حابارلاپتى.
«ءورت ءسوندىرۋ بولىمشەلەرى كەلگەن كەزدە 6 ادام تۇراتىن تۇرعىن ءۇي قۇرىلىسى 60 شارشى مەتر الاڭى وتقا وراندى. وقيعا كەزىندە ۇيدە ەشكىمنىڭ بولماعانى انىقتالدى. بۇل كۇنى «سادوۆود» س/ق-دا تۇراتىن قوستاناي قالاسىنىڭ № 22 ورتا مەكتەبىنىڭ 5 سىنىپ وقۋشىسى پيروگ ولەگ كوشەدە ويناپ ءجۇرىپ كورشى ساياجاي ۇيىنەن قالىڭ ءتۇتىندى كورگەن. ولەگ مۇندا كوپ بالالى وتباسى مەن كامەلەتكە تولماعان بالالار، ۇلكەن قىز 8 جاستا، ال كىشى اسلا نەبارى 2 جاستا ەكەنىن ءبىلدى. ءورت سوندىرۋشىلەردىڭ كەلۋىن كۇتپەي، ول تۇتىندەگەن ءۇي-جايدىڭ ىشىنە تەرەزە ارقىلى كىرىپ، ءوز ءومىرىن قاتەرگە تىگىپ، كەزەكپەن 4 بالانى كوشەگە شىعاردى»،-دەلىنگەن حابارلامادا.
بۇل ۋاقىتتا ۇيدە اتا-انالار بولعان جوق، ولار پەشتى تۇتاتىپ، دۇكەنگە شىعىپ كەتكەن بولاتىن.
اتا-انالار كەلگەنگە دەيىن قۇتقارىلعان بالالار كورشىلەرىندە بولدى. قۇتقارىلعاندار مەديسينالىق كومەككە مۇقتاج ەمەس.
«وقيعا ورنىندا 4 بىرلىك تەحنيكا، 17 ادام ءورت ءسوندىرۋ قىزمەتى جانە قالانىڭ باسقا دا شۇعىل قىزمەتتەرى جۇمىس ىستەدى. ءورت سوندىرۋشىلەر جانىپ جاتقان ۇيدەن ەكى گاز باللونىن الىپ شىقتى»،-دەلىنگەن حابارلامادا.
قۇتقارۋشىلار ءورتتى 12:07-دە وقشاۋلاپ، كورشى ساياجاي ۋچاسكەلەرىنە تارالۋ ءقاۋپىن جويدى. ساعات 12:28-دە ءورت ءسوندىرىلدى.
ءورتتىڭ بولجامدى سەبەبى-پەشتى دۇرىس پايدالانباۋ.