Almaty-akshamy.kz سايتىندا بۇگىن جاريالانعان جاڭالىقتارعا شولۋ – كۇن كەرۋەنى
«بولاشاقتىڭ ويىندارى»
وسىنداي اتاۋمەن قازان قالاسىندا حالىقارالىق تۋرنير وتەدى. بۇل شاراعا بەلارۋس، قىرعىزستان، تاجىكستان جانە وزبەكستان پرەزيدەنتتەرى، سونداي-اق باسقا دا ءبىرقاتار مەملەكەتتىڭ وكىلدەرى قاتىسادى دەلىنگەن. مەملەكەت باسشىسى قاسىم-جومارت وسى ءتۋرنيردىڭ اشىلۋ راسىمىنە قاتىسۋ ءۇشىن رەسەي فەدەراسياسىنا جۇمىس ساپارىمەن باردى.
قازاق اۋىلى
ەلىمىزدە ءالى كۇنگە قازاقتار تۇراتىن مەكەندەردىڭ ءوزىنىڭ اتى اۋىسپاعان. كەڭەس زامانىنىڭ ءيسى بۇرقىراپ تۇرعان الماتى وبلىسىنداعى ءبىرقاتار اۋىلعا قازاقشا اتاۋ بەرىلدى.
پوكروۆكا اۋىلى اتاۋىن – كەنەن ازىربايەۆ، چاپايەۆو اۋىلى – بايكەنت، ال مەجدۋرەچەنسك اۋىلى – اقساي دەپ وزگەرتەدى. كازسيكوۆ اۋىلدىق وكرۋگىنىڭ كومسومول اۋىلى – جايناق دەپ وزگەرتىلەدى، ال كازسيك اۋىلى – اسقار توقپانوۆ اۋىلى بولادى. كەگەن اۋدانىندا جالاڭاش اۋىلدىق وكرۋگى مەن جالاڭاش اۋىلى سايكەسىنشە جالاعاش اۋىلدىق وكرۋگى جانە جالاعاش اۋىلى بولىپ وزگەرتىلەدى. تالعار اۋدانىنىڭ پانفيلوۆ اۋىلدىق وكرۋگىندە قىزىل-تۋ-4 اۋىلى - جىبەك جولى اۋىلى بولىپ وزگەرتىلدى.
سالىق پەن حالىق
قوعامدا دۇربەلەڭ تۋدىرعان ءموبيلدى اۋدارىم ماسەلەسى تۋرالى الىپ-قاشپا قاۋەسەت كوپ. 255 مىڭ تەڭگەدەن اسسا، تەكسەرىس جۇرگىزىلۋى مۇمكىن دەگەن دە اقپارات شىقتى. قارجى مينيسترلىگى بۇل ۇسىنىستى قاراستىرىپ جاتقان كورىنەدى. ءبىر جەكە تۇلعانىڭ جالپى سوماسى 3 ەتج-دەن اساتىن، ياعني 255 مىڭ تەڭگەدەن اساتىن كەلەسى ءۇش اي ىشىندە اي سايىن 100 جانە ودان دا كوپ ءتۇرلى تۇلعالاردان بانك شوتىنا اقشا قاراجاتىن الۋى تاۋەكەل ولشەمشارتى بولۋى مۇمكىن.
ترەندتەگى قازاقستان
قازاقستان كەيىنگى جىلدارى شەتەلدىك تۋريستەر ءۇشىن ترەند باعىتقا اينالدى. مۇنى ەلىمىزدىڭ ءتۋريزمى تۋرالى الەمنىڭ ءىرى باسىلىمدارىندا جارىق كورىپ جاتقان اقپاراتتاردان دا بايقاۋعا بولادى. جۋىردا امەريكالىق ايگىلى Travel+Leisure جۋرنالىنىڭ وڭتۇستىك-شىعىس ازياداعى بولىمشەسى قازاقستان ءتۋريزمى تۋرالى شەتەلدىك ساياحاتشىلارعا ارنالعان نۇسقاۋلىق جاريالادى. «نە ىستەۋ كەرەك، قايدا تۇرۋ كەرەك جانە قانداي تاعامدار بار: قازاقستان بويىنشا ەڭ ۇزدىك مارشرۋت» دەپ اتالاتىن رەپورتاجدا كوپتەگەن قىزىقتى مالىمەت جاريالانعان. ءتىپتى، اتالعان ماقالانىڭ مازمۇنى ەل تۇرعىندارىنىڭ دا قىزىعۋشىلىعىن تۋدىردى.
«جارالى سەزىمدەردىڭ» جالعاسى
17 جىلدان سوڭ رەجيسسەر ەركىن راقىشيەۆ ءفيلمنىڭ ەكىنشى ءبولىمىن ءتۇسىردى. ءفيلمنىڭ جەلىسى بويىنشا، سول كەزدەگى عاشىقتار – قانات پەن ارايدىڭ بالاسى ازامات ەسەيىپ، ەسىرتكىگە تاۋەلدى بولادى. ءوزى دە ونى ساتۋمەن اينالىسادى. كافەدە كەزدەستىرىپ قالعان قىزعا عاشىق بولادى. وقيعا وسى جەردەن باستالادى. فيلمنەن كورەرمەن قانات، يۆان، سوكرات سىندى كەيىپكەرلەردى سومداعان اكتەرلەردى قايتا كورە الادى. فيلم 22 اقپاننان باستاپ بارلىق كينوتەاتردان كورسەتىلەدى.
«اۆاتاريادان» اباي بولىڭىز!
الماتىدا التى جاسار بالا اعالارىمەن بىرگە ويىن-ساۋىق كەشەنىندە باتۋتتا كوڭىل كوتەرىپ، جاسىرىنباق ويناپ ءجۇرىپ، شاحتاعا قۇلاپ كەتكەن. ءابدىراحماننىڭ اتا-اناسى سەگىز جىل كۇتكەن ۇلىنان ايىرىلىپ قالا جازدادى. بالا «اۆاتاريا» ويىن-ساۋىق كەشەنىندە شاحتاعا قۇلاپ، جاراقات الىپ، باشپايلارى سىنعان. ميى شايقالىپ، قولتىق استىنداعى بۇلشىقەتتەرىنە زاقىم كەلگەن. ول ءبىر اي بويى جۇرە الماي، مۇگەدەكتەر ارباسىندا وتىردى.
ءتىلى قۇرىعان حالىق
الەمدە ءار ەكى اپتا سايىن ءبىر ءتىل جويىلىپ وتىرادى. 1999 جىلى 17 قاراشادا يۋنەسكو-نىڭ باس كونفەرەنسياسى جاريالاعان حالىقارالىق انا ءتىلى كۇنى (International Mother Language Day) 2000 جىلدان باستاپ جىل سايىن 21 اقپاندا تىلدىك جانە مادەني ارتۇرلىلىك پەن كوپتىلدىلىككە ىقپال ەتۋ ماقساتىندا اتاپ وتىلەدى.