2024 جىلعى 25-27 ماۋسىم ارالىعىندا "قتج" ۇك" اق كومپانيالار توبىنىڭ دەلەگاسياسى شانحاي قالاسىندا (قحر) وتكەن Transport Logistic China 2024 حالىقارالىق كولىكتىك-لوگيستيكالىق كورمەسىنە قاتىستى.
Transport Logistic China 1978 جىلدان بەرى وتكىزىلىپ كەلە جاتقان كولىك، لوگيستيكا، اقپاراتتىق تەحنولوگيالار جانە جەتكىزۋ تىزبەگىن باسقارۋ سالاسىنداعى جەتەكشى الەمدىك كورمە، دەپ حابارلايدى Almaty-akshamy.kz.
بيىل Transport Logistic China كورمەسى ءوز الاڭىندا الەمنىڭ تۇكپىر-تۇكپىرىنەن 600-دەن استام كورمە قاتىسۋشىلارىن ورنالاستىردى. گەرمانيا، يتاليا، چەحيا، سينگاپۋر، ساۋد ارابياسى جانە باسقا ەلدەردىڭ ۇلتتىق پاۆيلوندارى ۇسىنىلعان.
كورمەگە قاتىسۋشىلار مەن كەلۋشىلەر "قتج" ۇك" اق ستەندىنە ەرەكشە قىزىعۋشىلىق تانىتتى. "KTZ Express" اق جانە "كەدەنترانسسەرۆيس" اق وكىلدەرى كولىكتىك-لوگيستيكالىق كومپانيالارمەن ءبىرقاتار كەزدەسۋلەر وتكىزىپ، قازاقستان اۋماعى ارقىلى وتەتىن مارشرۋتتاردىڭ ارتىقشىلىقتارى، ۇسىنىلاتىن سەرۆيستەر تۋرالى حاباردار ەتتى جانە وزەكتى بولىپ تابىلاتىن قىتايدان قازاقستان ارقىلى جۇك اعىنىن ۇلعايتۋ جونىندەگى مۇمكىندىكتەردى جانە كونتەينەرلىك تاسىمالداردى ودان ءارى دامىتۋ پەرسپەكتيۆالارىن تالقىلادى.
كورمە اياسىندا حالىقارالىق جۇك تەمىرجول ەكسپرەسىنىڭ جاڭا دامۋى — تەڭىز كونتينەنتالدى جىبەك جولى لوگيستيكاسى بويىنشا سامميت ءوتتى، وندا "قتج" ۇك" اق كومپانيالار توبىنان "KTZ Express" اق باس ديرەكتورىنىڭ لوگيستيكا جونىندەگى ورىنباسارى ايبەك قاپار بايانداما جاساپ، قازاقستاننىڭ تەمىرجول كولىگى سالاسىنداعى كولىك ساياساتىن دامىتۋدىڭ باسىم باعىتتارىن اتاپ كورسەتتى. سپيكەر سونىمەن قاتار قازاقستاننىڭ ترانزيتتىك الەۋەتى جانە ينفراقۇرىلىمدىق جوبالار تۋرالى دا ءسوز قوزعادى.
ءىس-شارا بارىسىندا قاتىسۋشىلار جۇڭگو - ەۋروپا باعىتىندا قىزمەتتەردى ىلگەرىلەتۋ جانە جاقسارتۋ مۇمكىندىكتەرى تۋرالى پىكىر الماستى جانە سىندارلى ديالوگ جۇرگىزدى.