ترانسكاسپيي باعىتى ارقىلى ەكى جىلدا جۇك تاسىمالداۋ كولەمى ەكى ەسە ءوستى

ق ر كولىك ءمينيسترى مارات قارابايەۆ تەڭىز ينفراقۇرىلىمىن دامىتۋدىڭ جانە Tحكم (ترانسكاسپيي حالىقارالىق كولىك مارشرۋتى) الەۋەتىن ودان ءارى ارتتىرۋدىڭ وزەكتى ماسەلەلەرى بويىنشا كەڭەس وتكىزدى.

ترانسكاسپيي مارشرۋتى شىعىس پەن باتىس اراسىنداعى نەگىزگى ترانزيتتىك دالىزدەردىڭ ءبىرى بولىپ تابىلادى. سوڭعى ەكى جىلدا جۇك تاسىمالداۋ كولەمى ەكى ەسەگە ءوستى.

اتاپ ايتقاندا، قىتايدىڭ كونتەينەرلىك تاسىمالىنىڭ ءترانزيتى قارقىندى وسۋدە. اعىمداعى جىلدىڭ 9 ايىندا شامامەن 23،5 مىڭ جيىرما فۋتتىق ەكۆيۆالەنتتەر تاسىمالداندى، بۇل وتكەن جىلدىڭ كولەمىنەن 20 ەسە كوپ. تحكم باعىتى بويىنشا ايىنا شامامەن 40 كونتەينەرلىك پويىزدار جۇرەدى. بۇل تەمىر جولداردىڭ، تەڭىز پورتتارىنىڭ جانە ساۋدا فلوتىنىڭ ۇيلەسىمدى جۇمىسىنىڭ ارقاسىندا مۇمكىن بولدى.

ءقازىر قىتايدىڭ باسقا جۇك ءوندىرۋشى پروۆينسيالارى، اتاپ ايتقاندا، چۋنسين، يۋ، سانپين، نانكين، سزينحە، دۋنزياچجەن Tحكم-نا قىزىعۋشىلىق تانىتۋدا. بولاشاقتا كونتەينەرلىك تاسىمال كولەمى جىلىنا 3 مىڭ كونتەينەرلىك پويىزعا دەيىن ۇلعايتىلادى.

سونىمەن قاتار حالىقارالىق اۆتوتاسىمالداۋشىلار تحكم باعىتىندا جۇيەلى تۇردە قايتا باعدارلانۋدا. بيىل قىتايمەن ۇكىمەتارالىق كەلىسىمگە قول قويىلىپ، ۆيزاسىز رەجيم ەنگىزىلگەننەن كەيىن قىتايلىق تاسىمالداۋشىلار دا بۇل باعىتتى دامىتا باستادى. شىلدە ايىنان بەرى Tحكم ارقىلى قىتايدىڭ 2300-دەن استام كولىگى وتكەن.

وتىرىس قورىتىندىسى بويىنشا قۇرىق پورتىنىڭ ينفراقۇرىلىمىن جاڭعىرتۋ بويىنشا جۇمىستى جانداندىرۋ، جىل سوڭىنا دەيىن قۇرىق پورتىندا تەرەڭدەتۋ جۇمىستارىن اياقتاۋدى قامتاماسىز ەتۋ جانە زاماناۋي جول بويىنداعى سەرۆيستى قۇرۋ ارقىلى جۇرگىزۋشىلەردىڭ قۇرىق پورتىندا بولۋ جاعدايلارىن جاقسارتۋ بويىنشا شارالار قابىلداۋ جونىندە تاپسىرمالار بەرىلدى.

اقتاۋ پورتىندا بيىل كونتەينەرلىك حاب قۇرىلىسى باستالدى، العاشقى ىسكە قوسۋ كەشەنى كەلەسى جىلى اياقتالادى دەپ جوسپارلانۋدا. قايتا تيەۋ تەحنيكاسى كەزەڭ-كەزەڭىمەن جاڭارتىلۋدا، بيىل جۇك كوتەرگىشتىگى 64 توننا پورتالدىق كران ساتىپ الىندى. مينيستر اقتاۋ پورتىنىڭ اكۆاتورياسىن تەرەڭدەتۋ بويىنشا جوبالىق قۇجاتتامانى ازىرلەۋدى جەدەلدەتۋدى جانە اكىمدىكپەن بىرلەسىپ پورت قۋاتتارىن دامىتۋ ءۇشىن جەر ۋچاسكەلەرىن ءبولۋدى پىسىقتاۋدى تاپسىردى.

ساۋدا فلوتىن دامىتۋ ماقساتىندا قازاقستاندا كەمە جاساۋ قۋاتتارىن قۇرۋ جوسپارلارى تالقىلاندى. ورتا مەرزىمدى پەرسپەكتيۆادا وتاندىق ساۋدا فلوتى 7 جاڭا ساۋدا كەمەسىمەن تولىقتىرىلادى.
جالپى العاندا، كولىك ينفراقۇرىلىمىن سينحروندى دامىتۋ Tحكم باعىتىنىڭ سەرپىندى دامۋىنىڭ جانە ديناميكالىق ءوسىپ كەلە جاتقان جۇك تاسىمالىنىڭ تاسىمالدانۋىن قامتاماسىز ەتۋدىڭ كىلتى بولىپ تابىلادى