اقش-تىڭ بۇرىنعى پرەزيدەنتى دونالد ترامپ الاياقتىق بابى بويىنشا ايىپتى دەپ تانىلدى.
بانكتەر مەن ساقتاندىرۋ كومپانيالارىنا بەرگەن قارجىلىق ەسەبىندە ول ءوز بايلىعىن جىلىنا ميللياردتاعان دوللارعا اسىرا كورسەتكەن، دەپ حابارلايدى Almaty-akshamy.kz 24.kz-كە سىلتەمە جاساپ.
باس پروكۋراتۋرانىڭ مالىمەتىنشە، ترامپ 2011 جىلدان 2021 جىلعا دەيىن ءوز اكتيۆتەرىنىڭ قۇنىن كوتەرگەن. سوت شەشىمى بويىنشا ول 250 ميلليون دوللار شىعىندى قايتارۋى ءتيىس. شەشىم نيۋ-يوركتە شىعارىلدى.
بۇل - ترامپقا قارسى 6 ءىستىڭ ءبىرى، ونىڭ ىشىندە تورتەۋى - قىلمىستىق ءىس. ال ەكس-پرەزيدەنت بۇل شەشىمگە قارسى شاعىمداناتىنىن مالىمدەدى.