اقش پرەزيدەنتى دونالد ترامپ 2024 جىلعى شىلدەدە قاستاندىق جاسالعان كەزدە ءوزىن كۇزەتىپ جۇرگەن شون كارراندى قۇپيا قىزمەتىنىڭ باسشىسى ەتىپ سايلادى، دەپ حابارلايدى aqshamnews.kz.
«مەن شون كارراندى امەريكا قۇراما شتاتتارىنىڭ قۇپيا قىزمەتىنىڭ كەلەسى باسشىسى ەتىپ تاعايىنداعانىمدى ماقتان تۇتامىن»، دەپ جازدى ترامپ Truth Social جەلىسىندە.
پرەزيدەنتتىڭ ايتۋىنشا، كارراننىڭ قۇقىق قورعاۋ سالاسىندا 23 جىلدىق تاجىريبەسى بار، ول اقش قۇپيا قىزمەتىنە 2001 جىلى كەلگەن.
«ول باتلەردەگى (پەنسيلۆانيا شتاتى) مەنى قۇتقارۋ ءۇشىن ءوز ءومىرىن قاتەرگە تىگىپ، ءوزىنىڭ باتىلدىعىن كورسەتتى. مەن شوننىڭ امەريكا قۇراما شتاتتارىنىڭ قۇپيا قىزمەتىن بۇرىنعىدان دا كۇشتى ەتەتىنىنە تولىق سەنىمدىمىن»، دەدى اقش پرەزيدەنتى.
ەستەرىڭىزگە سالا كەتەيىك، 2024 جىلدىڭ 14 شىلدە كۇنى دونالد ترامپقا پەنسيلۆانيادا ءسوز سويلەۋى كەزىندە قاستاندىق جاسالدى. سالدارىنان ترامپتىڭ قۇلاعىنا وق تيگەن ەدى. سونداي-اق، ميتينگكە قاتىسۋشى ءبىر ادام كوز جۇمدى. ترامپقاق اتقان 20 جاستاعى امەريكالىق توماس مەتتيۋ كرۋكس قۇپيا قىزمەتىنىڭ اگەنتتەرى قولىنان قازا تاپتى.