اقش پرەزيدەنتى دونالد ترامپ وڭتۇستىك كورەيادان يمپورتتالاتىن ءبىرقاتار تاۋارلارعا سالىناتىن كەدەندىك باج سالىعىن 15%-دان 25%-عا دەيىن ءوسىرۋ تۋرالى شەشىم قابىلداعانىن مالىمدەدى، دەپ حابارلايدى Aqshamnews.kz ءتىلشىسى.
ترامپ بۇل مالىمدەمەسىن Truth Social جەلىسىندەگى پاراقشاسىندا جاريالاعان. ونىڭ ايتۋىنشا، سەۋلدىڭ زاڭ شىعارۋشى ورگانى اقش-پەن جاسالعان ساۋدا كەلىسىمىن ءالى كۇنگە دەيىن راتيفيكاسيالاماعان.
اقپاراتقا سايكەس، باج سالىعى اۆتوكولىكتەر، اعاش ماتەريالدارى، فارماسيەۆتيكالىق ونىمدەر جانە وزگە دە تاۋارلارعا قاتىستى بولۋى مۇمكىن.
ال وڭتۇستىك كورەيا پرەزيدەنتى اكىمشىلىگى اقش ۇكىمەتىنەن ازىرگە رەسمي حابارلاما نەمەسە تۇسىندىرمە الماعانىن ايتىپ، جاعدايدى ناقتىلاۋ ءۇشىن كونسۋلتاسيالار جۇرگىزۋگە نيەتتى ەكەنىن جەتكىزدى.