اقش-تىڭ ەكس-پرەزيدەنتى دونالد ترامپ 29 قاڭتاردا گۋانتانامو اسكەري بازاسىن 30 مىڭ ميگرانتتى ورنالاستىرۋعا دايىنداۋ تۋرالى مەموراندۋمعا قول قويدى، دەپ حابارلايدى aqshamnews.kz CNN سىلتەمە جاساپ.
مالىمەتتەرگە سايكەس، گۋانتانامودا ازاپتاۋ وقيعالارىمەن اتى شىققان تۇرمە ەمەس، بۇرىننان بار ميگرانتتاردى ۇستاۋ ورتالىعى كەڭەيتىلەدى.
– «ءبىز تەك بار ورتالىقتاردى ۇلكەيتەمىز»، – دەدى ترامپ اكىمشىلىگىنىڭ شەكارا قاۋىپسىزدىگى جونىندەگى كۋراتورى توم حومان.
قازىرگى ۋاقىتتا اتالعان 30 مىڭ ميگرانتتىڭ ىشىندە قازاقستاندىقتاردىڭ بار-جوعى بەلگىسىز.
گۋانتانامو – اقش-تىڭ كۋبا اۋماعىندا ورنالاسقان اسكەري-تەڭىز بازاسى. ۆاشينگتون بۇل جەردى 1903 جىلدان بەرى جالعا الىپ كەلەدى، ال كۋبا بيلىگى ونىڭ جابىلۋىن تالاپ ەتۋدە.
كۋبا پرەزيدەنتى ميگەل دياس-كانەل بۇل شەشىمدى قاتاڭ سىنعا الىپ:
– «اقش ۇكىمەتى وزدەرىنىڭ زاڭسىز يەلەنگەن اۋماعىنا مىڭداعان ميگرانتتى كۇشتەپ كوشىرۋ ارقىلى قاتىگەزدىك تانىتۋدا»، – دەپ مالىمدەدى.
ايتا كەتەيىك، اقش-تاعى قاتاڭداتىلعان ميگراسيالىق ساياسات تۋرالى قازاقستان ازاماتتارىن وسى اپتادا قازاقستاننىڭ ۆاشينگتونداعى ەلشىلىگى ەسكەرتكەن بولاتىن.