توزعان جىلۋ جەلىلەرى جوندەلۋدە

توزعان جىلۋ جەلىلەرىن مودەرنيزاسيالاۋ بويىنشا تولايىم جۇمىستار جۇرگىزىلۋدە.  

اتاپ ايتقاندا، جالپى ۇزىندىعى 8،4 شاقىرىم جىلۋ جەلىلەرىن رەكونسترۋكسيالاۋ جونىندەگى ماڭىزدى جوبالاردى ىسكە اسىرۋ جۇمىستارى باستالعان، دەپ حابارلايدى Almaty-akshamy.kz.

اينابۇلاق-2 شاعىن اۋدانىنداعى قازىبايەۆ، سەرىكوۆ، انگارسكايا، مۇقاتاي كوشەلەرى ارقىلى وتەتىن، جالپى ۇزىندىعى 5،9 شاقىرىم (2022ج. – 1،7، 2023ج. – 2،2، 2024ج. – 2 شاقىرىم) «اينابۇلاق» جىلۋ ماگيسترالىن رەكونسترۋكسيالاۋ جۇمىستارى جالعاسۋدا. بيىلعى جىلعا جوسپارلانعان 2،2 كم جىلۋ جەلىلەرى وسى جىلدىڭ قىركۇيەك ايىندا اياقتالادى، -دەدى الماتى قالاسىنىڭ اكىمى ە.دوسايەۆ جەتىسۋ اۋدانى تۇرعىندارىمەن كەزدەسۋىندە.

سونىمەن قاتار كازاكوۆ جانە برودسكيي كوشەلەرىندەگى جالپى ۇزىندىعى 2،5 شاقىرىم (2023ج. – 1،1، 2024ج. – 1،4 شاقىرىم) جىلۋ ماگيسترالىن جوندەۋ جۇمىستارى جۇرگىزىلۋدە.

كازاكوۆ جانە برودسكيي كوشەلەرىندەگى جالپى ۇزىندىعى 2،5 شاقىرىم جىلۋ ماگيسترالىن جوندەۋ جۇمىستارىنىڭ 1،1 شاقىرىمىن وسى جىلدىڭ قىركۇيەك ايىنىڭ سوڭىنا قاراي اياقتاۋ جوسپارلانۋدا. ەكى جوبا دا 2024 جىلى تولىعىمەن اياقتالادى، -دەدى قالا اكىمى.

ايتا كەتۋ كەرەك، كولپاكوۆسكيي جانە ەسەنوۆ كوشەلەرىنىڭ بويىنداعى (245 م) جىلۋ ماگيسترالىن رەكونسترۋكسيالاۋ جۇمىستارى اياقتالدى. بۇل № 143 مەكتەپتى تۇراقتى جىلۋمەن قامتاماسىز ەتەدى.