جاستار كوميۋنيتي ورتالىعىن ورنالاستىرۋ ءۇشىن بوتكين كوشەسى، 16 مەكەنجايىنان عيمارات ساتىپ الۋ جۇمىستارى جۇرگىزىلۋدە.
عيمارات 20 قىركۇيەككە دەيىن ساتىپ الىنادى. بۇل تۋرالى الماتى اكىمى ەربولات دوسايەۆتىڭ جەتىسۋ اۋدانى تۇرعىندارىمەن وتكەن كەزدەسۋىندە ايتىلدى، دەپ حابارلايدى Almaty-akshamy.kz.
ورتالىقتىڭ اشىلۋى قاراشا ايىنا جوسپارلانعان.
«بۇل سىزدەردىڭ اۋداندارىڭىزدا اشىلعالى وتىرعان جاڭا فورماتتاعى العاشقى ورتالىق ەكەنىن اتاپ وتكىم كەلەدى. ورتالىق جۇمىسى نەگىزىنەن جاستاردى، ەڭ الدىمەن NEET ساناتىنا جاتاتىن جاستاردى جۇمىسقا ورنالاستىرۋ، وقىتۋ جانە كاسىپتىك باعدار بەرۋگە، سونداي-اق پسيحولوگيالىق جانە زاڭ كومەگىن كورسەتۋگە باعىتتالاتىن بولادى»، - دەدى الماتى اكىمى ەربولات دوسايەۆ.