قۇرمەتتى ارىپتەستەر، قىزمەت ارداگەرلەرى، ءقادىرلى قۇتقارۋشىلار!
سىزدەردى قازاقستان رەسپۋبليكاسى توتەنشە جاعدايلار مينيسترلىگىنىڭ 30 جىلدىعىمەن جانە ءبىزدىڭ ورتاق كاسىبي مەرەكەمىز – قۇتقارۋشى كۇنىمەن شىن جۇرەكتەن قۇتتىقتايمىن!
بۇل ماڭىزدى كۇن ادامداردى قۇتقارۋ ىسىنە ءوزىن ارناعان بارلىق جانداردى، ولاردىڭ ۆەدومستۆولىق نەمەسە ۇيىمدىق باعىنىشتىلىعىنا قاراماستان، بىرىكتىرەتىن مەرەكە.
بۇگىندە قۇتقارۋشى كۇنى بۇل قاۋىپسىزدىك كۇزەتىندە تۇرعان جانە كەز كەلگەن ساتتە كومەككە كەلۋگە دايىن تجم قىزمەتكەرلەرىن، ەرىكتىلەردى، قوعامدىق جانە مەملەكەتتىك ەمەس قۇتقارۋ قۇرىلىمدارىنىڭ وكىلدەرىن بىرىكتىرەتىن ءوزارا قۇرمەت پەن بىرلىكتىڭ سيمۆولى.
مينيسترلىكتىڭ وتىز جىلدىق تاريحى بۇل ەرلىك، جانقيارلىق جانە انتقا ادالدىق جولى. وسى جىلدار ىشىندە قازاقستاننىڭ ازاماتتىق قورعاۋ جۇيەسى قالىپتاسۋ مەن دامۋدىڭ ۇلكەن جولىنان ءوتىپ، كەز كەلگەن قيىندىقتارعا ءتيىمدى جاۋاپ بەرە الاتىن قۋاتتى ءارى زاماناۋي قۇرىلىمعا اينالدى.
كاسىبي شەبەرلىك، ابىروي مەن وتانعا ادال قىزمەت ەتۋ داستۇرلەرىن قالىپتاستىرعان قىزمەت ارداگەرلەرىنە ەرەكشە العىسىمدى بىلدىرەمىن. سىزدەردىڭ تاجىريبەلەرىڭىز، دانالىقتارىڭىز بەن ونەگەلەرىڭىز مينيسترلىكتىڭ داڭقتى داستۇرلەرىن جالعاستىرىپ كەلە جاتقان جاس قۇتقارۋشىلار ءۇشىن ۇلكەن رۋحاني كۇش پەن شابىت كوزى.
كۇن سايىن ازاماتتارىمىزدىڭ قاۋىپسىزدىگىن قامتاماسىز ەتۋ جولىندا الدىڭعى شەپتە تۇرعان بارلىق قىزمەتكەرلەرگە، ەرىكتىلەرگە، ازاماتتىق بەلسەندىلەرگە العىسىمدى بىلدىرەمىن. سىزدەردىڭ ەڭبەكتەرىڭىز ناعىز پاتريوتيزم مەن ادامي جاناشىرلىقتىڭ كورىنىسى.
سىزدەرگە زور دەنساۋلىق، اماندىق جانە كەلەشەككە دەگەن سەنىم تىلەيمىن. سىزدەردىڭ يگىلىكتى ميسسيالارىڭىز ءاردايىم حالىقتىڭ قۇرمەتى مەن ريزاشىلىعىنا يە بولا بەرسىن!
قازاقستان رەسپۋبليكاسىنىڭ
توتەنشە جاعدايلار ءمينيسترى
گەنەرال-مايور
شىڭعىس ءارىنوۆ.