ادامدار ەلدە بومبادان قورعايتىن باسپانا بار دەپ ويلايدى.
قازاقستان رەسپۋبليكاسىنىڭ ازاماتتىق قورعاۋ سالاسىنداعى نورماتيۆتىك قۇقىقتىق اكتىلەرىنە سايكەس «بومبادان قورعانۋ» ۇعىمى جوق، بۇل تەرميننىڭ ورنىنا «ازاماتتىق قورعانىستىڭ قورعانىش قۇرىلىسى» ۇعىمى قولدانىلادى، دەپ حابارلايدى Almaty-akshamy.kz ازاماتتىق قورعانىس جانە اسكەري بولىمدەر كوميتەتىنە سىلتەمە جاساپ.
بۇگىنگى كۇنى قولدانىستاعى زاڭنامالىق اكتىلەرگە سايكەس ازاماتتىق قورعانىستىڭ قورعانىش قۇرىلىستارى تاسىمالداۋعا كەلمەيتىن ناۋقاستاردى، سونداي-اق دەنساۋلىق ساقتاۋ مەكەمەلەرىندەگى مەديسينالىق جانە قىزمەت كورسەتۋ پەرسونالىن جانە ازاماتتىق قورعانىس ساناتتارىنا جاتقىزىلعان ۇيىمداردىڭ ەڭ كوپ جۇمىس اۋىسىمىن قورعاۋ ءۇشىن كوزدەلگەن.
سونىمەن قاتار، حالىقتى قورعاۋدىڭ بىرنەشە جولى بار ەكەنىن اتاپ وتكەن ءجون:
- حالىقتىڭ قاراپايىم باسپانالاردا تىعىلۋى (جەرتولە، عيماراتتىڭ جەرتولە ءۇي-جايى، ساۋدا ۇيلەرىنىڭ، جەكە تۇرعان تەرەڭدەگى قۇرىلىستاردىڭ، مەتروپوليتەندەردىڭ جەراستى پاركينگتەرى)؛
- ەۆاكۋاسيالىق ءىس-شارالاردى جۇرگىزۋ (حالىقتى قالالاردان قالا سىرتىنداعى ايماققا شىعارۋ).
حالىقتى جيناۋ ءۇشىن، ياعني ونى ودان ءارى ءقاۋىپسىز ايماققا شىعارۋ ءۇشىن زارداپ شەككەن حالىقتى جيناۋ پۋنكتتەرى بەلگىلەنگەنىن اتاپ وتكەن ءجون. وسى جيناۋ پۋنكتتەرى مەن ولارعا جەتۋ مارشرۋتتارىنىڭ ورنالاسقان جەرى تۋرالى اقپاراتپەن حالىق 2گاج قوسىمشاسىندا تانىسا الادى.