قاڭتار ايىنىڭ باسىندا ەلدەگى نارازىلىقتار مەن تارتىپسىزدىكتەر كەزىندە ءموبيلدى ينتەرنەت پەن مەسسەندجەرلەردىڭ جۇمىسى ناشارلاپ، كەيىننەن ينتەرنەت ءۇزىلىپ قالدى.
Finprom.kz توبى جاعدايدى تالداپ، قازاقستاندىقتار اراسىندا توتەنشە جاعداي كەزىندە جانە ودان كەيىن قانداي ءموبيلدى قوسىمشالار سۇرانىسقا يە بولعانىن انىقتادى، دەپ حابارلايدى Almaty-akshamy.kz
توتەنشە جاعداي رەجيمى كەزىندە جانە ودان كەيىنگى جاعدايعا شولۋ
ءتىپتى Telegram، WhatsApp جانە Signal سياقتى نەگىزگى مەسسەندجەرلەر دە جۇمىس ىستەمەدى. ەسكە سالا كەتسەك، ەلدە 2022 جىلدىڭ 19 قاڭتارىنا دەيىن توتەنشە جاعداي (تج) ەنگىزىلگەن بولاتىن.
Google Play Store دۇكەنىنىڭ مالىمەتى بويىنشا، اعىمداعى جىلدىڭ 11 قاڭتارىنداعى جاعداي بويىنشا، قازاقستان رەسپۋبليكاسىنداعى توپ-5 قوسىمشانىڭ قاتارىنا مىنالار كىردى:
- «Secure VPN – ءقاۋىپسىز، جىلدامىراق»؛
- «Thunder VPN: جىلدامىراق VPN»؛
- «VPN Proxy Master – VPN-نەن جىلدامىراق»؛
- «Video Downloader، بەينەنى جۇكتەۋ»؛
- «X-VPN –VPN جەكە براۋزەر».
بۇلاردىڭ بارلىعى «قۇرالدار» ساناتىنداعى قولدانبالار جانە بىرەۋىنەن باسقاسى VPN (ۆيرتۋالدى جەكە جەلى) تەحنولوگياسىمەن ۇسىنىلعان. VPN — جەرگىلىكتى شەكتەۋلەردى اينالىپ ءوتىپ، قۇپيالىلىقتى ساقتاي الاتىن ءقاۋىپسىز، شيفرلانعان قوسىمشا. قازاقستان رەسپۋبليكاسىنىڭ تۇرعىندارى بۇعاتتاۋدى اينالىپ ءوتىپ، الەۋمەتتىك جەلىلەرگە كىرۋ جانە جەدەل مەسسەندجەرلەردى پايدالانۋ ءۇشىن وسى جۇيەلەردى پايدالاندى.
ماڭىزدى جايت: ەلدەگى توتەنشە جاعداي اياقتالعاننان كەيىن قازاقستاندىقتاردىڭ قالاۋى ايتارلىقتاي وزگەردى. سونىمەن، 2022 جىلدىڭ 21 قاڭتارىنداعى جاعداي بويىنشا توپ-5 قوسىمشا قاتارىنا مىنالار كىردى:
- ZOOM Cloud Meetings («بيزنەس» ساناتىنداعى)؛
- MOON - Current Moon Phase («اۋا رايى» ساناتىنداعى)؛
- Telegram («بايلانىس» ساناتىندا)؛
- قازاقستان رەسپۋبليكاسىنىڭ ەلەكتروندىق ۇكىمەتىنىڭ eGov mobile قولدانباسى؛
- Triple A (ويىن-ساۋىق ساناتىنداعى).
ەسكە سالا كەتسەك، 2022 جىلعى 19 قاڭتاردا قازاقستان رەسپۋبليكاسىندا توتەنشە جاعداي رەجيمى اياقتالدى. بايلانىس پەن ينتەرنەت ءۇزىلىسسىز تۇراقتى رەجيمدە جۇمىس ىستەپ تۇر.