باقىتجان ساعىنتايەۆتىڭ توراعالىعىمەن وتكەن الماتى قالاسىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا الماتى اكىمىنىڭ ورىنباسارى ماقسات قيقىموۆ بۇدان باسقا 120 ءىرى ونەركاسىپتىك كاسىپورىن مەن قالانىڭ 51 بازارى دا قايتادان جۇمىس ىستەي باستاعانىن مالىمدەدى، دەپ حابارلايدى اlmaty-akshamy.kz.
اكىم ورىنباسارىنىڭ ايتۋىنشا، 149 ازىق-تۇلىك ساۋدا جەلىسىنىڭ گيپەرماركەتتەرى مەن سۋپەرماركەتتەرىنىڭ 146-سى ءوز قىزمەتىن قالپىنا كەلتىرگەن، قالعان 3-ەۋى 28 قاڭتارعا دەيىن اشىلادى.
الماتىنىڭ ازىق-تۇلىك ەمەس ساۋدا نىساندارىنا كەلەتىن بولساق، بۇگىندە 110 نىساننىڭ 99-ى ءوز قىزمەتىن جانداندىردى، قالعان 11ء-ى اقپان ايىنىڭ سوڭىنا دەيىن جۇمىسىن باستايدى.
بۇگىندە قالانىڭ 93 ساۋدا-ويىن-ساۋىق ورتالىقتارى مەن ساۋدا ۇيلەرىنىڭ 87ء-سى جۇمىس ىستەيدى، قالعان 6 نىسان قالپىنا كەلتىرۋ قىزمەتىن جۇرگىزەدى. مىسالى، «ماسكەۋ» سوسو جارتىلاي ىسكە قوسىلدى، تولىق قالپىنا كەلتىرۋ اقپان ايىنىڭ ورتاسىنا دەيىن جوسپارلانعان.
باسقا دا زارداپ شەككەن ساۋدا ۇيلەرىنە كەلەر بولساق، «ارەنا» ءسۇ 1 اقپاندا، «سيتي سەنتر» سو 1 اقپاندا، «موبيلكا» ءسۇ اقپان ايىنىڭ سوڭىنا دەيىن، «پرومەناد» سو ناۋرىز ايىنىڭ سوڭىنا دەيىن، «ازيا پارك» سوسو ناۋرىزدىڭ 1 ونكۇندىگىنە دەيىن، «المالى» سوسو تامىز ايىنىڭ سوڭىنا دەيىن اشۋ جوسپارلانۋدا.
ماقسات قيقىموۆتىڭ ايتۋىنشا، بۇگىندە الماتىدا 220 جانار-جاعارماي قۇيۋ بەكەتتەرىنىڭ 190-ى جۇمىس ىستەيدى، 23 جەلىلىك جانار-جاعارماي قۇيۋ بەكەتتەرى زاقىمدانۋدى قالپىنا كەلتىرىپ، اقپان ايىنىڭ سوڭىنا دەيىن ىسكە قوسىلادى، ورتەنگەن 2 ججقب مامىر ايىنىڭ ورتاسىنا دەيىن ءوز قىزمەتىن قالپىنا كەلتىرۋدى، 5 جەلىلىك ەمەس جانار-جاعارماي قۇيۋ بەكەتى 30 قاڭتارعا دەيىن ءوز قىزمەتىن قالپىنا كەلتىرۋدى جوسپارلاپ وتىر.
قالاداعى 3 100 قوعامدىق تاماقتانۋ وبەكتىلەرىنىڭ باسىم بولىگى - 3 083ء-ى جۇمىس ىستەيدى. ناۋرىز ايىنىڭ ورتاسىنا دەيىن 15 نىسان، 1 مامىرعا دەيىن تاعى 2 نىسان ىسكە قوسىلادى.
قالادا 975 ءدارىحانا قىزمەتىن قايتا باستادى.