ورتالىق كوممۋنيكاسيالار قىزمەتىندە قۇرىلعان رەسپۋبليكالىق اقپاراتتىق شتاب ب ا ق وكىلدەرىن سۋ تاسقىنىنا قاتىستى قۇزىرلى ورگانداردان تۇسكەن مالىمەتپەن تاۋلىك بويى قامتاماسىز ەتەدى، دەپ جازدى مەملەكەتتىك كەڭەسشى ەرلان قارين Telegram پاراقشاسىندا.
«سۋ تاسقىنىنا قاتىستى قازىرگى احۋال تۋرالى اقپارات تاراتۋ ءۇشىن ورتالىق كوممۋنيكاسيالار قىزمەتىندە رەسپۋبليكالىق اقپاراتتىق شتاب قۇرىلعان. بۇل شتاب ب ا ق وكىلدەرىن قۇزىرلى ورگانداردان تۇسكەن مالىمەتپەن تاۋلىك بويى قامتاماسىز ەتەدى. بۇگىننەن باستاپ توتەنشە جاعدايلار، قورعانىس، ىشكى ىستەر مينيسترلىكتەرى، كازگيدرومەت جانە باسقا دا مەكەمە وكىلدەرىنىڭ قاتىسۋىمەن قوسىمشا ونلاين بريفينگتەر ۇيىمداستىرىلادى. توتەنشە جاعداي جاريالانعان 10 ايماقتان جەرگىلىكتى شتابتارمەن ونلاين بريفينگتەر جوسپارلانىپ وتىر»، - دەدى مەملەكەتتىك كەڭەسشى.
سونداي-اق ول «24kz» تەلەارناسىنىڭ ەفيرلىك ۋاقىتى رەسپۋبليكالىق اقپاراتتىق شتابتىڭ جۇمىسىمەن ۇيلەستىرىلىپ، بريفينگتەردەن تىكەلەي حابار تاراتىلاتىنىن جەتكىزدى.
«بۇدان بولەك، تەلەارناداعى جاڭالىقتاردىڭ ەفيرگە شىعۋ جيىلىگى ارتىپ، سۋ تاسقىنىمەن كۇرەسۋ جانە ونىڭ سالدارىن جويۋ، قۇتقارۋ قىزمەتتەرىنىڭ، ۆولونتەرلىك ۇيىمداردىڭ جانە باسقا دا ازاماتتاردىڭ بىرلەسكەن جۇمىسى، زارداپ شەككەن ايماقتارعا گۋمانيتارلىق كومەك جيناپ جەتكىزۋ بارىسى تۋرالى تۇراقتى اقپارات بەرىلەدى»، - دەپ جازدى ەرلان قارين Telegram ارناسىندا.