مەملەكەت باسشىسىنىڭ تاپسىرماسى بويىنشا بۇگىنگى كۇنى جەرگىلىكتى اۋقىمداعى توتەنشە جاعداي رەجيمى جاريالانعان 10 وبلىستا ۋاكىلەتتى مەملەكەتتىك ورگاندار سالدارلاردى جويۋ جانە ازايتۋ، جاڭا اۋماقتاردى سۋ باسۋعا جول بەرمەۋ جونىندە شارالار قابىلداپ جاتىر، دەپ حابارلايدى اlmaty-akshamy.kz ق ر باس پروكۋراتۋرانىڭ باسپا ءسوز قىزمەتىنە سىلتەمە جاساپ.
باس پروكۋراتۋرا مالىمدەمەسى بويىنشا، اۆاريالىق-قۇتقارۋ جۇمىستارىنا تجم، ءىىم، اكىمدىكتەر مەن باسقا دا قىزمەتتەردىڭ 10 مىڭنان استام قىزمەتكەرى جۇمىلدىرىلعان. اقتوبە، باتىس قازاقستان، قوستاناي جانە اتىراۋ وبلىستارىندا جاعداي كۇردەلەنە تۇسكەن.
«پروكۋراتۋرا ورگاندارى ناقتى ەلدى مەكەندەردى سۋ باسۋ، جولداردىڭ، كوپىرلەردىڭ، گيدروتەحنيكالىق جانە باسقا دا وبەكتىلەردىڭ قيراۋ سەبەپتەرىن بەلگىلەيدى. اتاپ ايتقاندا، بيۋدجەت قاراجاتىنىڭ ماقساتتى جۇمسالۋى، سۋ تاسقىنىنىڭ الدىن الۋ جونىندەگى جوسپارلاردىڭ ۋاقتىلىعى مەن تولىقتىعى زەرتتەلۋدە. قورىتىندىسى بويىنشا ءاربىر ۋاكىلەتتى ورگاننىڭ قىزمەتىنە ءتيىستى قۇقىقتىق باعا بەرىلەتىن بولادى، - دەدى ق ر باس پروكۋراتۋراسىنىڭ رەسمي وكىلى ەرلان جانپەيىسوۆ.
اتالعان مامان سونداي-اق بۇگىنگى تاڭدا پروكۋرورلار اقتوبە، الماتى جانە اتىراۋ وبلىستارىندا سوتقا دەيىنگى 4 تەرگەپ-تەكسەرۋدى باستاعانىن اتاپ ءوتتى.
«جەرگىلىكتى جەرلەردەگى پروكۋرورلار قۇقىق قورعاۋ ورگاندارىنىڭ زاڭدىلىق پەن قۇقىقتىق ءتارتىپ رەجيمىن قامتاماسىز ەتۋ جونىندەگى قىزمەتىن ۇيلەستىرەدى. پروبلەمالىق ۋچاسكەلەردى قورشاۋ جانە پاترۋلدەۋ، ازاماتتاردىڭ مۇلكىن قورعاۋ قامتاماسىز ەتىلگەن. وسى قيىن كەزەڭدە ازاماتتاردى دۇربەلەڭگە تۇسپەۋگە شاقىرامىز، ءاربىر زارداپ شەككەن وتباسىنا قولدانىستاعى زاڭناماعا سايكەس تولىق كولەمدە كومەك كورسەتىلەدى. بۇل ماسەلە پروكۋراتۋرا ورگاندارىنىڭ تۇراقتى باقىلاۋىندا. وتەماقى الۋ الگوريتمى ۇكىمەتتىڭ قاۋلىسىمەن بەكىتىلگەن ارنايى ەرەجەلەرمەن ناقتى رەتتەلگەنىن تۇسىندىرەمىز. جەرگىلىكتى اتقارۋشى ورگاندار ءبىرجولعى ماتەريالدىق كومەك تولەۋگە كىرىستى»، - دەدى ول.
باس پروكۋراتۋرانىڭ رەسمي وكىلى سۋ تاسقىنىن وقشاۋلاۋ جانە قالپىنا كەلتىرۋ جۇمىستارى جالعاسىپ جاتقانىن، سونداي-اق ەل تۇرعىندارىن تەك رەسمي اقپارات كوزدەرىنە سەنۋگە، جالعان اقپارات تاراتپاۋعا شاقىردى.
«جالپى، بارلىق ۋاكىلەتتى مەملەكەتتىك ورگاندار مەن قۇقىقتىق ءتارتىپ ورگاندارى ەرىكتىلەردىڭ قولداۋىمەن كۇشەيتىلگەن رەجيمدە جۇمىس ىستەۋدە. سۋ تاسقىنىن وقشاۋلاۋ جانە قالپىنا كەلتىرۋ جۇمىستارى جالعاسۋدا. قالىپتاسقان جاعداي اياسىندا حالىق پەن باق-تى جالعان اقپارات تاراتۋدان باس تارتۋعا جانە تەك رەسمي اقپارات كوزدەرىنە سەنۋگە شاقىرامىز. جالعان اقپاراتتى ورنالاستىرۋ، تاراتۋ اكىمشىلىك جانە قىلمىستىق جاۋاپتىلىققا اكەپ سوعادى. قۇقىقتىق سيپاتتاعى بارلىق ماسەلەلەر بويىنشا، ونىڭ ىشىندە زالالدى وتەۋ بولىگىندە ءسىز تۇرعىلىقتى جەرى بويىنشا پروكۋراتۋرا ورگاندارىنا جۇگىنە الاسىز. سىزگە مىندەتتى تۇردە كومەك كورسەتىلەدى»، - دەدى ەرلان جانپەيىسوۆ.