ءتورت قازاقستاندىق مامان حالىقارالىق دارەجەدەگى تورەشى اتاعىنا يە بولدى

ولار وليمپيادا ويىندارىندا تورەشىلىك قىزمەتىن اتقا الاتىن بولادى.

ءتورت قازاقستاندىق مامان دزيۋدودان حالىقارالىق دارەجەدەگى تورەشى (“International”) اتاعىنا يە بولدى، دەپ حابارلايدى Almaty-akshamy.kz Olympic.kz سىلتەمە جاساپ.

الماتىدا حالىقارالىق دزيۋدو فەدەراسياسىنىڭ (IJF) ماماندارىنىڭ قاتىسۋىمەن دزيۋدودان جاتتىقتىرۋشىلار مەن تورەشىلەرگە ارنالعان سەمينار مارەسىنە جەتتى. سەمينار بارىسىندا قاتىسۋشىلار ءبىلىمىن تولىقتىرىپ، ەمتيحان تاپسىردى. 

تورەشىلەر ەمتيحاننىڭ پراكتيكالىق ءبولىمىن الماتىدا وتكەن جاسوسپىرىمدەر مەن جاستار اراسىنداعى ازيا كۋبوگى اياسىندا تاپسىردى. 

ناتيجەسىندە ءتورت قازاقستاندىق مامان، اتاپ ايتقاندا، كەنجەزارۋ قاشقىنوۆا، ۆارۆارا ماسياگينا، ەرلان تاجيكوۆ جانە باۋىرجان شادرايموۆ ەمتيحاننان ءساتتى ءوتىپ، IJF حالىقارالىق دارەجەدەگى تورەشى اتاعىنا يە بولدى. 

ايتا كەتەرلىگى، IJF International كاتەگورياسى وتاندىق تورەشىلەردىڭ IJF كۇنتىزبەسىنە سايكەس وتەتىن گران-پري، Grand Slam، ماستەرس جارىستارى مەن الەم چەمپيوناتى، سونداي-اق، وليمپيادا ويىندارىندا تورەشىلىك قىزمەتىن اتقارۋعا مۇمكىندىك بەرەدى.