بۇل تۋرالى ق ر ۇكىمەتىنىڭ قاۋلىسى اشىق نورماتيۆتىك-قۇقىقتىق اكتىلەر سايتىندا جاريالاندى
پەتروپاۆلدا 4 مەكتەپ ەندى سماعۇل ءسادۋاقاسوۆتىڭ، ءاليحان بوكەيحاننىڭ، احمەت بايتۇرسىن ۇلىنىڭ جانە قاجىمۇقان مۇڭايتپاسوۆتىڭ ەسىمدەرىمەن اتالادى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
وڭىردەگى مەكتەپتەرگە الاش قايراتكەرلەرىنىڭ ەسىمدەرىن بەرۋ تۋرالى سولتۇستىك قازاقستان وبلىستىق ونوماستيكا كوميسسياسىنىڭ ۇسىنىسى ۇكىمەتتە قارالىپ، قولداۋ تاپتى. ءتيىستى قۇجات اشىق نورماتيۆتىك-قۇقىقتىق اكتىلەر سايتىندا جاريالانىپ، كوپتىڭ تالقىسىنا ۇسىنىلدى.
قوعامدىق تالقىلاۋ 2022 جىلدىڭ 5 قاڭتارىنا دەيىن جالعاسپاق. قۇجاتقا سايكەس، پەتروپاۆل مەكتەپتەرىنە الاش قايراتكەرلەرىنىڭ ەسىمدەرىن بەرۋ تۋرالى سولتۇستىك قازاقستان وبلىستىق ءماسليحاتى 7 شاقىرىلىمىنىڭ كەزەكتەن تىس وتكەن سەسسياسىندا شەشىم قابىلدانعان ەدى.