الماتى قالاسىندا «قىزىل ستاتۋسى» انىقتالعان تاعى 18 تۇرعىنعا 14 كۇندىك ءۇي كارانتينىن بۇزعانى ءۇشىن 30 اەك كولەمىندە ايىپپۇل سالىندى، دەپ حابارلايدى اlmaty-akshamy.kz
COVID-19 ءۇشىن پتر تەستى وڭ ناتيجەسىن بەرگەن الماتىلىقتار قوعامدىق ورىندارعا بارىپ، «ASHYQ» بويىنشا جۇمىس ىستەيتىن نىسانداردا - حقكو، اۋەجاي، سوو، بازارلار، دۇكەندەر جانە ت.ب. نىسانداردىڭ قىزمەتتەرىن پايدالانۋعا تىرىسقان. «قىزىل ستاتۋسى» انىقتالعان اتالعان تۇرعىندار «ASHYQ» جوباسى بويىنشا جۇمىس ىستەيتىن وبەكتىلەرگە جىبەرىلمەيدى.
سوندىقتان امبۋلاتوريالىق ەمدەلىپ جاتقان قالا تۇرعىندارىن ءوزىن-وزى وقشاۋلاۋ رەجيمىن بۇزباۋعا جانە قوعام الدىندا ازاماتتىق جاۋاپكەرشىلىك تانىتۋلارى كەرەك.
ۆيرۋس جۇقتىرعان ادامدارمەن بايلانىستا بولعان تۇلعالار ءوزىن-وزى وقشاۋلاۋ رەجيمىن ساقتاۋى جانە باسقا ادامدارعا جۇقتىرماس ءۇشىن ادامدار كوپ جينالاتىن ورىندارعا بارماۋلارى ءتيىس.