تورنادو ءتونىپ كەلەدى

ۆاشينگتونداعى مەملەكەتتىك مەكەمەلەردىڭ قىزمەتكەرلەرى اۋا رايىنىڭ قولايسىزدىعىنا بايلانىستى جۇمىستان بوساتىلدى

تاعى التى شتاتتا تورنادو داۋىلى تۋرالى ەسكەرتۋ جاريالاندى، دەپ حابارلايدى Almaty-akshamy.kz.

اقش-تىڭ ادام رەسۋرستارى باسقارماسى مەملەكەتتىك قىزمەتكەرلەرگە جۇمىس كۇنىن بەلگىلەنگەن ۋاقىتتان ەكى ساعات بۇرىن اياقتاۋ جانە عيماراتتاردى 15:00-دەن كەشىكتىرمەي ەۆاكۋاسيالاۋ تۋرالى بۇيرىق شىعاردى، كەيىن ۇكىمەتتىك عيماراتتار دا ۋاقىتشا جابىلدى. جۇمىس ورىندارىندا توتەنشە جاعدايلار دەپارتامەنتىنىڭ قىزمەتكەرلەرى عانا قالدى. اقش استاناسىنىڭ تۇرعىندارىنا 4-دەڭگەيدەگى داۋىلدى ەسكەرتۋ جاريالاندى.

7 تامىز كۇنى كەشكە اقش-تىڭ ۇلتتىق مەتەورولوگيالىق بيۋروسى ۆاشينگتوندا جانە ەلدىڭ شىعىس بولىگىندە تورنادو قاۋپىنە بايلانىستى داۋىلدى ەسكەرتۋ جاريالادى. سينوپتيكتەر اقش-تىڭ بىرنەشە شتاتىندا قاتتى داۋىل سوعىپ، بۇرشاق جاۋادى دەپ بولجادى. شىعىس شتاتتاردىڭ تۇرعىندارىنا ۇزاق ساپارعا شىقپاۋعا جانە ۇيدە بولۋعا كەڭەس بەرىلدى.

تورنادو ءقاۋپى ۆاشينگتوننان باسقا مەريلەند، سولتۇستىك كارولينا، ۆيردجينيا جانە باتىس ۆيردجينيا، تەننەسسي جانە كەنتۋككي شتاتتارىندا ساقتالادى.

ايتا كەتەيىك، ءتورتىنشى دەڭگەيلى داۋىل تۋرالى ەسكەرتۋ اقش استاناسىندا ون جىلدان بەرى جاريالانباعان، ول سوڭعى رەت 2013 جىلى، شتاتتاردىڭ شىعىس بولىگىن بىردەن التى تورنادو سوققان كەزدە جاريالانعان ەدى.