تورەعالي ءتورالى كولسايدا جاس جىگىتتى نە ءۇشىن ۇرعانىن ايتتى

جانجال جاڭا كليپتىڭ ءتۇسىرىلىمى بارىسىندا شىققان

"بەينەباياننىڭ تۇسىرىلىمىنە كەدەرگى جاسادى". الماتى وبلىسىنىڭ تالعار اۋدانىندا تەرگەۋ اباقتىسىندا وتىرعان ءانشى تورەعالي ءتورالى ۇلتتىق پاركتە بەلگىسىز ادامدى ۇرۋىنىڭ سەبەبىن وسىلاي ءتۇسىندىردى، دەپ حابارلايدى Almaty-akshamy.kz رolisia.kz-كە سىلتەمە جاساپ.

«ۋاقىتشا ۇستاۋ يزولياتورىندا وتىرعان تورەعالي تورەالى كولسايدا بولعان جاعداي بويىنشا ءوز نۇسقاسىن ايتتى. ونىڭ سوزىنشە، جانجال جاڭا كليپتىڭ ءتۇسىرىلىمى بارىسىندا شىققان. جابىرلەنۋشى ولاردان كوزىن الماي، جۇمىسىنا كەدەرگى كەلتىرگەن. ءوزارا ەرەگىس سوڭى ءانشىنىڭ جۇدىرىق جۇمساۋىمەن اياقتالعان. سونداي-اق الەۋمەتتىك جەلىگە تاراعان ۆيدەودان ءارتىستىڭ بالاعات سوزدەر ايتقانىن اڭعارۋعا بولادى.
اتالعان قۇقىق بۇزۋشىلىق ق ر قىلمىستىق كودەكسىنىڭ 293-بابى «بۇزاقىلىق» بويىنشا تىركەلگەن»، - دەگەن پوليسيا مالىمەتىندە.

ەسكە سالايىق، وقيعا 28 قىركۇيەكتە الماتى وبلىسى كەگەن اۋدانىنداعى ۇلتتىق پارك اۋماعىندا بولدى. الەۋمەتتىك جەلىدە بەلگىسىز جىگىت تورەعالي ءتورالى ونىڭ قاباعىن جارىپ، جۇدىرىقتاعانىن جەتكىزگەن ەدى. قىلمىستىق ءىس سوتقا دەيىنگى تەرگەپ تەكسەرۋ تىزىلىمىندە تىركەلدى. بۇگىن ءانشى تەرگەۋ اباقتىسىنا قاماۋعا الىندى.