ءداستۇرلى ساداق اتۋ جارىسىنا الەمنىڭ 32 ەلىنەن 135 سپورتشى قاتىستى
بۇگىن تىزگىن قاققان IV دۇنيەجۇزىلىك كوشپەندىلەر ويىندارىندا قازاقستان قورجىنى العاشقى مەدالمەن تولىعىپ ۇلگەردى. ساداقشى قاسىمحان قانات ءداستۇرلى ساداق اتۋ جارىسىندا كۇمىس مەدال ەنشىلەدى، دەپ حابارلايدى Almaty-akshamy.kz.
ءداستۇرلى ساداق اتۋ جارىسىنا الەمنىڭ 32 ەلىنەن 135 سپورتشى قاتىستى. ەرلەر اراسىندا ۇزدىك 16 مەرگەننىڭ تىزىمىنە قازاقستاننىڭ ءۇش وكىلى ەندى: قاسىمحان قانات، ءالي سەسسيگۋزەل جانە ازامات نۇرتايەۆ.
قاسىمحان قانات وسى ويىندار تاريحىندا تۇڭعىش رەت الەمنىڭ ۇزدىك مەرگەندەرىمەن باسەكەلەسە وتىرىپ، فينالعا جولداما الدى. سوڭعى سايىستا ول جارىس قوجايىنى – وعىز وقشىعا جول بەرىپ قويدى. شەشۋشى كەزەڭدە وتانداسىمىز تۇرىك سپورتشىسىنان نەبارى ەكى ۇپايعا قالىس قالىپ، كۇمىس مەدال جەڭىپ الدى. بۇل ماراپات - قازاقستان سپورتشىلارىنىڭ ءداستۇرلى ساداق اتۋ جارىسىنداعى العاشقى جوعارى جەتىستىگى.